Дни памяти:  Май 6,  Август 28 (Обретение мощей),  Октябрь 28

После татарского нашествия вся юго-западная Русь, опустошенная и разоренная, почти обезлюдела. Через сто лет ее заняли литовские войска. А когда в конце 15-го века была провозглашена Люблинская уния и Польша с Литвой были соединены, то для коренного русского православного населения наступили тяжкие времена угнетения православной веры.

В 1559 г. приехал на Волынь греческий митрополит Неофит и привез с собой чудотворную икону Божией Матери. По внушению свыше он оставил ее в доме благочестивой помещицы Анны Гойской.

 

В 1596 г. над православной верой, по попущению Божьему, разразилось страшное несчастие: дело было в том, что, преследуя православных, польское правительство старалось сделать так, чтобы епископские кафедры замещались лицами не стойкими в православии, и эти епископы согласились признать власть папы на соборе, созванном в Брест-Литовске.

 

Православный обряд сохранялся, но лица, согласившиеся на это соединение, или унию, стали католиками. А народ, оставшийся верным православию и не признававший Брестскую унию, католики стали еще больше теснить и угнетать.

 

Тогда многие стали уходить в степи и заднепровские пороги и там образовали вольное казацкое войско, которое много раз поднимало восстание для защиты православной веры.

 

Другие стали объединяться в церковные братства или же становиться под защиту вельмож, оставшихся верными православию. Самым видным из них был князь Константин Острожский, вокруг которого образовался круг ученых. Он основал в своем городе Остроге духовную академию и типографию, и они много писали в защиту православия.

 

На следующий же год после объявления унии, Анна Гойская, ради укрепления православия, передала хранившуюся у нее чудотворную икону монахам-отшельникам, подвизавшимся на горе, называвшейся Почаевской, и с тех пор святая эта икона стала именоваться Почаевской иконой Божией Матери.

 

Почаевская гора находилась недалеко от имения Анны Гойской и стала известной давно, еще во времена татарского нашествия в 1240 году. Сама Пресвятая Богородица явилась на ней пастухам, причем в память этого соблаговолила оставить след Своей стопы, так и называющийся «Стопа Пресвятой Богородицы». С тех пор на этой горе стали подвизаться отшельники, на ней нашли убежище и монахи разрушенного Киево-Печерского монастыря. Со времени перенесения на Почаевскую гору чудотворной иконы Божией Матери там основался монастырь.

 

Преп. Иов жил в эти тяжелые времена. Он родился в 1550 г. в Галиции и назывался в миру Иоанн Железо. Десятилетним отроком он поступил в Угорницкий монастырь. В этом раннем возрасте он так преуспел в иноческих подвигах, что 12-ти лет был уже пострижен в мантию с именем Иова, по достижении совершенного возраста возведен в священнический сан, а тридцати лет удостоен великой схимы, причем ему было возвращено имя Иоанн. Он особенно любил это имя и всегда им подписывался, но к лику святых он был причислен с именем Иова.

 

По просьбе князя Острожского, преп. Иов был переведен в находившийся в его владениях Дубенский монастырь, где стал настоятелем и много писал в защиту православия. Однако же, жажда подвижнического уединенного жития заставила его перейти на св. гору Почаевскую, но и там его избрали настоятелем. Для молитвенных подвигов он удалился в каменную пещеру: ноги его покрылись ранами так, что обнажились кости.

 

Он был делателем непрестанной молитвы Иисусовой - «Господи, Иисусе Христе, помилуй мя, грешнаго», доводящей подвижника до высоких духовных степеней. Вот, то о нем повествует его ученик и сподвижник Досифей, ставший по его кончине его преемником по игуменству. «Однажды, когда молился преподобный в той пещере, вдруг облистал его свет благодати Божией, сиявший по всей церкви в течение двух часов непрестанно. Я же, увидев его, в великом ужасе пал на землю, побежденный таким чудным видением».

 

Какой силы достиг святой старец над грешной душой человеческой, показывает следующий случай: однажды, придя ночью на гумно монастырское, он увидел вора, который хотел взвалить себе на спину куль зерна. Преподобный помог ему поднять этот куль, но напомнил ему об ответе на страшном Суде Христовом. Потрясенный кратким словом святого, грешник упал ему в ноги с мольбой о прощении.

 

В обители преп. Иов ввел общежительный устав. Обитель он окружил оградой с помощью благочестивых помещиков Феодора и Евы Домашевских и воздвиг Свято-Троицкий собор, а потом и еще шесть меньших церквей. Он создал Почаевскую типографию и продолжал писать в защиту православия. Сохранилась одна из его книг под заглавием «Книга Иова Железа, игумена Почаевскаго, властною его рукою написанная». В 1889 году она была издана под заглавием «Почаевская Пчела».

 

Типография преп. Иова, возобновленная в начале этого века архимандритом Виталием (Максименко), была им вывезена после русской революции за границу и ныне продолжает существовать в Америке, в Свято-Троицком монастыре, обслуживая духовные нужды русской эмиграции.

 

Много скорбей принес преп. Иову наследник Анны Гойской, лютеранин Фирлей. Оп завладел монастырскими землями и даже чудотворной иконой. Но св. икона была возвращена монастырю, после того как жену Фирлея постигло за кощунство над ней Божие наказание, а земли были возвращены судом незадолго до кончины преподобного.

 

В свободное время преп. Иов любил заниматься садоводством и развел в Почаеве прекрасный сад.

 

В 1620 г. он принимал участие в Киевском Соборе, осудившим унию и постановившем твердо стоять за православие. Под постановлением этим есть подпись: «Иоанн Железо, игумен Почаевский».

 

Скончался преп. Иов 28-го октября 1651 года. Мощи его были открыты в 1659 году после трехкратного его явления митрополиту Киевскому Дионисию. Вскоре после этого в обитель приехала на богомолье Ева Домашевская. Ночью она увидела, что в Троицкой церкви сияет свет и услышала пение. Служанка ее, девица Анна, пошла узнать, какое служение совершается, и к своему ужасу увидела, что церковные двери открыты, а посреди церкви, между двумя ангелами, молится в необычайно светлом одеянии преп. Иов. Обратившись к девице, он приказал ей позвать игумена Досифея, в это время безнадежно больного, и дал ей для него плат, омоченный в миро. Больной, получив этот плат, помазался им и получил исцеление.

 

В 1675 г. татары осадили Почаевский монастырь. На третий день осады, во время чтения акафиста, над монастырем явилась Сама Царица Небесная. Татары пробовали пускать стрелы в небесное явление, но стрелы возвращались назад и поражали их самих. Тогда татары бежали.

 

В 1721 г. Почаевским монастырем завладели униаты. Чудотворную икону Божией Матери они чтили, но доступ к мощам преподобного для верующих закрыли. Однако же через 20 лет чудеса преподобного заставили их допустить к ним верующих.

 

В 1831 г. униаты были воссоединены с Православной Церковью. Мощи преподобного были вновь торжественно открыты, а Почаевский монастырь объявлен Лаврой.

 

Акафист Преподобному и Богоносному отцу нашему Иову, Почаевскому чудотворцу

КОНДАК  1

Избранный чудотворче и земли нашея добрый учителю, всея же вселенныя усердный молитвенниче, преподобне отче Иове, чистым твоим житием просвещаема обитель твоя и вси православнии людие благодарственная о тебе Святей Троице возносят хваления. Ты же яко имеяй дерзновение ко Господу, предстатель буди о душах наших неусыпный и на страсти воинствующим скорый помощник, да в радости сердца зовем ти:

Радуйся, Иове, преславный угодниче Божий, и обители Почаевския украшение.

ИКОС  1

Ангел благовестник воистинну явился еси нашим людем от врагов Церкви обуреваемым отче наш Иове, елико писанми твоими и книг священных печатанием, толико и богоугодным житием и славным еже к Богу отшествием, ныне же и всей вселенней предстатель теплый являешися у Престола Владычня; сего ради зовем ти:

Радуйся, истинныя Церкви добрый воине; радуйся, православия светлый светильниче. Радуйся, отцы наша от ереси оградивый; радуйся, чада их во благочестии утвердивый. Радуйся, спасения ради дом родителей издетска оставивый; радуйся, о души твоей попечение паче всех показавый. Радуйся, яко твоим отроческим подвигом старцы удивишася; радуйся, яко от юности во Ангельском образе к тем сопричтен был еси. Радуйся, обитель Угорницкую твоим житием просветивый; радуйся, множайшими труды монастырь Дубенский прославивый. Радуйся, немощных в вере утверждение; радуйся, неведущих вразумление.

Радуйся, Иове, преславный угодниче Божий, и обители Почаевския украшение.

КОНДАК  2

Видяще иноцы Угорництии ревностное твое в духовном житии преспеяние, схимонаха и пресвитера тебе быти устроиша, обаче Волынская земля на вящшия труды тя подвизающи, устрои тебе игумена быти во граде Дубенстем ко отражению еретических поползновений, православным же людем ко окормлению духовному и к неленостному Господеви воспеванию: Аллилуиа.

ИКОС  2

Разум совершен воистинну отче показал еси, егда душевнаго ради устроения на гору Почаевскую уклонился еси и вместо начальствования послушанию паки предался еси, обаче в лучший того подвиг Господь тебе вменяше вторицею приятое зде игуменство, братие же Почаевстии взываху ти с веселием:

Радуйся, наш отче новый и предивный; радуйся, благочестия образе. Радуйся, начальство, яко служение, приявший; радуйся, Богу и ближним волею поработивыйся. Радуйся, яко в начальстве твоем Христова смирения подобие является; радуйся, яко того ради покой душам нашим обретается. Радуйся, о людех доброе моление возносивый; радуйся, на демоны мужественно ополчивыйся. Радуйся, Ангельскаго ликостояния приобщивыйся; радуйся, добрый путевождь ко спасению нам явивыйся. Радуйся, спасающимся ободрение; радуйся, ленящимся обличение.

Радуйся, Иове, преславный угодниче Божий, и обители Почаевския украшение.

КОНДАК  3

Сила Духа Божественнаго обогати тя Иове премудре, егда татя монастырския пшеницы обличив, абие прощение тому даровал еси и утаенное паки ему возвратил еси покаяния его ради и алчущаго телесе насыщения, сие бо сотворив, окамененную умягчил еси душу и научил еси пети: Аллилуиа.

ИКОС  3

Имеяй присное попечение о душе твоей отче преподобне, возлюбил еси пещерное затворение, идеже дни и нощи в молитве провождая, единому Богу беседовал еси, темже и свет благодати его темную пещеру яко Фаворскую гору облиставаше и научаше всех взывати тебе:

Радуйся, молитвы непрестанное кадило; радуйся, слез неистощимый кладезю. Радуйся, древним Киево-Печерским затворником уподобивыйся; радуйся, тех благодатныя дарования стяжавый. Радуйся, яко молитвами твоими братия в терпении укрепляшеся; радуйся, яко воздыханьми твоими демони от твоея обители отгнашася. Радуйся, в темную пещеру небесный свет призвавший; радуйся, и в наша страстныя души благодать от Господа приносящий. Радуйся, скалы Почаевския твердейший адаманте; радуйся, всея страны нашея преславный светильниче. Радуйся, вселенския Церкве преславный столпе; радуйся, всех молящихся прибежище.

Радуйся, Иове, преславный угодниче Божий, и обители Почаевския украшение.

КОНДАК  4

Бурю еретических нахождений отгнати желая, был еси в богоспасаемом граде Киеве со освященным Собором Православных, идеже неврежденную веру дерзновенно исповедал еси и к томужде вся люди увещевал еси, тем же и священныя книги тиснением предавати во обители Почаевстей не преставал еси, яко всем чтущим сия истинную веру содержати и православно пети Богу: Аллилуиа.

ИКОС  4

Слышаша иноцы Почаевстии непрестанную молитву Иисусову, твоими усты глаголемую, отче Иове, слезы же из очию твоею текущия видеша и твоею учительною беседою назидающеся, образом же жития твоего умиляющеся, глаголаху:

Радуйся, молитвенниче наш предобрый; радуйся, учителю наш кроткий. Радуйся, благодатныя слезы источаяй; радуйся, и наша сердца умиляяй. Радуйся, яко духовную жертву непрестанно ко Господу возносиши; радуйся, яко райская утешения во уме твоем присно предносиши. Радуйся, Крестителя в воздержании подражателю; радуйся, многострадальнаго в долготерпении соревнователю. Радуйся, тою обою дарований приобщивыйся; радуйся, Ангельскаго сослужения сподобивыйся. Радуйся, нищих питателю; радуйся, скорбящих утешителю.

Радуйся, Иове, преславный угодниче Божий, и обители Почаевския украшение.

КОНДАК  5

Боготечней звезде уподобился еси преподобне, обходя землю Галицкую и Волынскую, светом же православия вся просвещая, ревнителем веры сугубую ревность внушая, добрых сердца в православии утверждая, ленивых же присно воздвизая к пению Богу: Аллилуиа.

ИКОС  5

Видеша монаси и простии людие игумена Почаевския обители земли копанием и древес саждением и гноя собиранием себе смиряюща, яко другому Дамаскину дивляхуся, и всяку гордыню еретическую возненавидеша, в православии же души своя утверждаху, глаголюще:

Радуйся, добраго подвига вождю; радуйся, истинныя веры утверждение. Радуйся, злочестивую гордыню еретиков обличаяй; радуйся, православное смиренномудрие возношаяй. Радуйся, яко тобою красоту благочестия познахом; радуйся, яко тобою суету мирскую в себе попрахом. Радуйся, богатым мира сего доброе вразумление; радуйся, нищим и трудником благое утешение. Радуйся, крест лишений волею подъявый; радуйся, той крест нам носити пособствуяй. Радуйся, Павла скинотворца последователю; радуйся, Христа Бога рабе благий.

Радуйся, Иове, преславный угодниче Божий, и обители Почаевския украшение.

КОНДАК  6

Проповедник православныя веры и благочестия чрез все житие твое быв, Иове преподобне, сие святою кончиною твоею запечатлел еси, уже за седмицу предрек, безболезненно по причащении Святых Таин, прияти сподобился еси, никакоже о мире сем жалея, но разрешитися хотя и со Христом быти, во еже непрестанно воспевати Серафимскую песнь: Аллилуиа.

ИКОС  6

Возсия благолепною красотою мертвенное тело твое преподобне, еже бо в житии твоем постом и трудами сокрушал еси, тоежде Господь по успении твоем нетлением и благоуханием прослави, нас же пети тебе научи:

Радуйся, небес пресельниче; радуйся, и земли молитвенниче. Радуйся, исхождение твое от земных предуведевый; радуйся, о том тепле возвеселивыйся. Радуйся, яко и нас в бесстрашии ко смерти утверждаеши; радуйся, яко упованию на милость Божию нас научаеши. Радуйся, любителей временнаго живота обличителю; радуйся, будущаго воскресения нетленный плотию свидетелю. Радуйся, плоть свою в житии распинати поревновавый; радуйся, туюжде по смерти благоуханну явивый. Радуйся, неверующих явное обличение; радуйся, надеющихся доброе утверждение.

Радуйся, Иове, преславный угодниче Божий, и обители Почаевския украшение.

КОНДАК  7

Хотя Бог о нетлении мощей преподобнаго Иова известити Церковь, трищи в сонном видении того являет митрополиту Дионисию, аки жива и волю Господню извествующа, ему же веровав Дионисий прослави Вседержителя и угодника Его с песнию: Аллилуиа.

ИКОС  7

Новаго тя о вселенней предстателя и чудотворца уведе освященный собор, монаси же и вси людие, егда пришедшу Дионисию на гору Почаевскую и житие твое уведевшу, честное твое тело из недр земли изнесеся нетленно и благоухания исполнено, чудеса же исцелений точаще, во еже вопити всем:

Радуйся, чудотворче новый и великий; радуйся, всех святых сопричастниче. Радуйся, землю Волынскую погребением твоим освятивый; радуйся, явлением мощей твоих в православии нас утвердивый. Радуйся, яко тобою исцеления хромии и слепии приемлют; радуйся, яко твоего нетленнаго телесе демони трепещут. Радуйся, и нас, пред гробом твоим стоящих умиления исполняяй; радуйся, к желанию спасения нас подвизаяй. Радуйся, аки живый, по смерти многим явивыйся; радуйся, небесным силам духом твоим приобщивыйся. Радуйся, чудес источниче; радуйся, на демоны нам крепкий помощниче.

Радуйся, Иове, преславный угодниче Божий, и обители Почаевския украшение.

КОНДАК  8

Странное и дивное чудо показал еси преподобне, Иове, егда вскоре по прославлении твоем явился еси посреде двою Ангелу моляся в Церкви Почаевстей и плат миром исполненный девице некоей дал еси возложения ради на раны болящему игумену Досифею, той же исцеление прием абие к твоему гробу здрав припадаше, поя Богу: Аллилуиа.

ИКОС  8

Весь еси воистинну обители твоея покров и заступление Иове преславне, сие бо православнии людие разумеша, егда тя на небеси узреша Богородице молящася о спасении святыя Лавры, монахов же и мирских челевек, от агарян зело осаждаемиих, но от того часа в радости тебе поющих:

Радуйся, всемощный наш заступниче; радуйся, святыя обители стено необоримая. Радуйся, нападения агарянская отражаяй; радуйся, стрелы на главы их возвращаяй. Радуйся, яко умолил еси Ангельским Силам явитися к тех поражению; радуйся, яко многие агаряне ко Христу тогда привел еси. Радуйся, ратники на обитель воюющия в послушники Ея претворивый; радуйся, непокоривыя беглецы сотворивый. Радуйся, дерзости богоборныя посрамление; радуйся, терпения христианского увенчание. Радуйся, упования еже на тя не посрамивый; радуйся, молитвенники твоя спасый и прославивый.

Радуйся, Иове, преславный угодниче Божий, и обители Почаевския украшение.

КОНДАК  9

Всякия отступства и колебания в вере народом и обителию твоею претерпенная, отпустив преподобный Иов, молитвами своими землю Волынскую ко православию возврати и в ней святыню Почаевскую твердейший оплот истинныя веры ныне являет, приходящим к ней тьмочисленным людем, святыя же мощи его усты и сердцем целующим и поющим Богу: Аллилуиа.

ИКОС  9

Витии славы твоея явишася православнии архиереи и весь освященный собор, егда мощи твоя, от отступник православия сокровенная, паки изнесоша во святую Церковь поклоняющимся христианом и в веселии глаголющим:

Радуйся, православныя Волыни солнце; радуйся, истинныя Церкве звездо. Радуйся, заре правды нощи прешедшей возсиявшая; радуйся, луче, тьму ереси разгнавший. Радуйся, в нове твоих мощей явлений паки чудеса источаяй; радуйся, тем отступление от православия в конец обличаяй. Радуйся, яко моления верных исполняти не престал еси; радуйся, яко согрешения отец наших не помянул еси. Радуйся, и нас врагом прощати научаяй; радуйся, и нас в долготерпении утверждаяй. Радуйся, малодушных обличение; радуйся, кающихся прощение.

Радуйся, Иове, преславный угодниче Божий, и обители Почаевския украшение.

КОНДАК  10

Спасения нашего буди и ныне ходатай Иове преподобне, зане многия растленныя обычаи нечестивии людие введоша во страну нашу и теми крепость наша оскуде, но в сокрушении сердец наших к твоему заступлению припадаем, на твое же предстательство уповающе, вопием Богу: Аллилуиа.

ИКОС  10

Стена твердая православной веры в земле Волынстей и Галицстей чрез все житие твое был еси отче преподобне, но и по преставлении твоем явленьми и исцеленьми за истину побораеши, еще же и невидимо душам чад твоих беседуеши, да вси вопием ти:

Радуйся, спасения нашего поборниче; радуйся, искушений злых отгнателю. Радуйся, ко Господу дерзновение о нас стяжавый; радуйся, от Того благодать исцелений приявый. Радуйся, яко со Ангелы в раи днесь водворяешися; радуйся, яко со Апостолы и мученики тамо ликуеши. Радуйся, купно с ними о Церкви предстателю; радуйся, милосердия Божия к нам ходатаю. Радуйся, кающияся еще в житии твоем возлюбивый; радуйся, ныне тех молитвы, яко фимиам к небесному Престолу возносяй. Радуйся, и всех молящихся скорый слышателю; радуйся, смиренных сердцем покровителю.

Радуйся, Иове, преславный угодниче Божий, и обители Почаевския украшение.

КОНДАК  11

Пение наше благодарное, от любве чистыя приносимое, приими угодниче Божий, яко же вдовицине лепте зане духовное имение наше нищетно пред тобою, благими же делы подражати тебе не возможем, но сокрушенная воздыхания о гресех наших приносяще, твоих добродетелей славою утешаемся, поюще Богу: Аллилуиа.

ИКОС  11

Светильник православныя веры и столп благочестия был еси отче наш Иове, словом, житием, любовию, верою, чистотою, в них же и нас твоими молитвами укрепи, всякия же ереси и развращенныя обычаи от нас далече отжени, да благодарственное сотворим ти пение:

Радуйся, Божий избранниче; радуйся, Ангелов собеседниче. Радуйся, и от нас духом любве твоея не отступивый; радуйся, и нам от духа твоего дарования разделяяй. Радуйся, яко зрящии нетленное тело твое на страсти телесная ополчаются; радуйся, яко чтущии о святем житии твоем, душу свою очистити тщатся. Радуйся, ревновати о своем спасении нас научаяй; радуйся, и ближних спасению служити нас подвизаяй. Радуйся, ревностию о православии сердца наша распаляяй; радуйся, покаянием о гресех души наша сокрушаяй. Радуйся, духовнаго сна разгнателю; радуйся, духовныя бодрости подателю.

Радуйся, Иове, преславный угодниче Божий, и обители Почаевския украшение.

КОНДАК  12

Благодать непрестанныя молитвы и о теле небрежения, радости же духовныя и к ближним сострастия обильно стяжал еси отче Иове, тем же и нас ленивых и грешных, тоя причастники сотвори твоими всемощными молитвами, да мучительства страстей избавльшеся, воспоим Богу: Аллилуиа.

ИКОС  12

Поюще твое дивное житие на земли и на небеси прославление, молим тя Иове преподобне: утверди молитвами твоими православную веру во стране тебе присной, всю же Христову Церковь на земли противу неверия и ереси защити и укрепи, наша же не отвергни хваления сицевая:

Радуйся, Апостольскаго служения сопричастниче; радуйся, пустыннических подвигов ревнителю. Радуйся, нищеты духовныя благий образе; радуйся, плача духовнаго богатный стяжателю. Радуйся, яко кротостию твоею души татий и злодеев, аки наследие доброе Господеви привел еси; радуйся, яко со всеми алкавшими и жаждавшими правды ныне во дворех Божиих насыщаешися. Радуйся, от Бога со всеми милостивыми помилованный и прославленный; радуйся, со всеми чистыми сердцем лицем к лицу ныне Того созерцаяй. Радуйся, и нас от небесных с любовию назираяй; радуйся, всем о православии трудящимся помощь от Господа подаваяй. Радуйся, обитель твою от всякаго обстояния сохраняяй; радуйся, и о всей вселенней молитвы Господеви возносяяй.

Радуйся, Иове, преславный угодниче Божий, и обители Почаевския украшение.

КОНДАК  13

О всеблаженне преподобне Иове, православныя веры великий ревнителю и ереси твердый обличителю! Малаго сего моления от убогих сердец наших к тебе возносимаго не отвержи, но буди нам присный в вере и покаянии наставник, в подвизех благий помощник и пред Господом о спасении нашем неустанный молитвенник, о тебе вопиющих Богу: Аллилуиа.

(Сей кондак читается трижды, затем снова читается икос - 1, кондак - 1, и молитва.)

МОЛИТВА ПРЕПОДОБНОМУ И БОГОНОСНОМУ ОТЦУ НАШЕМУ ИОВУ

О преподобне отче Иове, иноков трудолюбнаго жития богомудрый наставниче, кротости и воздержания, чистоты и целомудрия, братолюбия и нищелюбия, терпения и бдения от ранней юности до поздней старости неутомимый подвижниче, веры православныя великий ревнителю и непреоборимый поборниче, земли Волынския и Галицкия светило богосветлое и святыя Почаевския обители непобедимый защитниче! Призри оком благоутробия твоего на нас недостойных чад твоих, к тебе усердно по вся дни прибегающих и на боголюбивыя люди сия, пред твоими духоносными и многоцелебными мощами собравшияся и благоговейно к тем припадающия, и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящия исцели, малодушныя ободри, скорбящия утеши, обидимыя заступи, немощныя подкрепи и поверженныя долу возстави, всем вся, благодатию тебе от Бога данною, даруй по коегождо нужде и потребе, во спасение души и во здравие телу. Вознеси, угодниче Божий, всемощную молитву твою, да будет в стране нашей выну мир и тишина, благочестие и благоденствие, в судах правда и милость, в советех мудрость и благое преспеяние, да утверждается же во благих человецех верность, в злых же страх и боязнь, во еже престати им от зла и творити добрая, да тако в стране нашей Царство Христово растет и множится и да прославится в нем Бог, дивный во Святых Своих: Ему же единому подобает всякая слава, честь и поклонение Отцу, и Сыну, и Святому Духу, ныне и присно, и во веки веков. Аминь.


ТРОПАРЬ, глас 4

Многострадальнаго праотца долготерпение стяжав, Крестителеву воздержанию уподобляяся, Божественныя же ревности обою приобщаяся, тех имена достойно прияти сподобился еси, и истинныя веры был еси проповедник безбоязнен, тем же монахов множество ко Христу привел еси, и вся люди в православии утвердил еси, Иове, преподобне отче наш, моли спастися душам нашим.


КОНДАК, глас 4

Явился еси истинныя веры столп, Евангельских же заповедей ревнитель, гордыни обличение, смиренным же предстатель и научение, тем же и ублажающим тя, грехов отпущение испроси, и обитель твою невредиму сохрани Иове, отче наш, многострадальному подобный.


ВЕЛИЧАНИЕ

Ублажаем тя, преподобне отче наш Иове, и чтем святую память твою, наставниче монахов, и собеседниче Ангелов.