память: 8 августа

Житие и чудеса Преподобного Феодосия Кавказского

Будущий преподобный родился в бедной крестьянской семье в Пермской губернии. Год его рождения спорный - или 1800-й или 1841-й (16 мая н. ст.) . Родители святого, Федор и Екатерина Кашины, нарекли мальчика Феодором. По преданию, повивальная бабка предсказала новорожденному судьбу великого священника, увидев его в "монашеской камилавке". И действительно - с детских лет Федя полюбил молитву. Еще маленьким удалялся он в лес, где проводил время наедине с Богом, молясь на большом камне. Ему даже был голос: "Камень, на котором ты молишься, называется Раев". Был и другой случай, указывающий на то, что мальчик отмечен Богом. Однажды из красного угла вылетел голубь, сел ему на руку, а затем, вспорхнув и описав круг, скрылся за иконами.

Предание говорит, что еще будучи совсем юным, Федя покинул дом и добрался с богомольцами до Афона. Там, у врат обители Положения пояса Богоматери, он попросился войти: "Примите меня к себе, я буду Боженьке молиться и буду все вам делать". Мальчика пустили, а игумен даже взял его себе в келейники. Путь его был тернист. В четырнадцатилетнем возрасте отрок исцелил одержимую бесом жену генерала. На вопрос, кому же он молится, Федор отвечал: "Золотенькой Божией Мамочке". Для исполнения воинского долга игумен отправил его на родину. Но Федора признали негодным к военной службе и он вернулся в обитель. А в 1859 году молодой послушник был пострижен в монахи с именем Феодосий.

Пять лет прослужил он в Царьграде (Константинополе) в афонском подворье, называемом "Русский странноприимный дом Положения пояса Богоматери". Затем, по преданию, святой служил в Иерусалиме. В 1879 году - возвращение на Афон. В 1901-м, после смерти игумена Иоанникия, Феодосий становится во главе обители. Однако, вскоре сложив с себя обязанности настоятеля, он вернулся в Иерусалим, где принял схиму с тем же именем. Оттуда, вместе со своей духовной дочерью, инокиней Татианой, старец вернулся в Россию, везя с собой драгоценные святыньки.

Устроился отец Феодосий в 27 километрах от станицы Крымской, там, где сейчас располагается поселок Горный, выстроил небольшую церковь, вокруг - келии, завел хозяйство - коз, пасеку. Из недр земных на прежде сухом месте забил родник. В пустыньку потянулись послушницы, среди которых было многих детей, в частности, Люба и две Анны. Одну Анну родители отказались отпустить к старцу. О. Феодосий дал ее матери яйцо: "На тебе Петьку, он будет петь, как Петр отрекся от Господа." Из яйца вылупился драчливый петушок. И действительно, Анна вышла замуж за Петра, драчуна и пьяницу, родила от него двух калек.

Прозорливый старец предвидел и свой арест. "Будете разговляться, а меня с вами не будет. Поезжайте в Минводы, живите там," - говорил он. В 1927 году, на Крещение, в воде появилось много чудесных рыбок, о которых отец Феодосий сказал, что останутся только четыре. (После его ареста в пустыньке осталось только четыре послушницы). Пришедшим его арестовывать старец умыл ноги, накормил. Его отправили в ссылку, куда за ним последовала Люба. Другие послушницы, м. Тавифа и м. Наталия, перебрались в Минводы, где купили небольшой домик. Туда же вернулся после ссылки и о. Феодосий. Там он жил до своей кончины, там же принимал и приходивших к нему людей. Причащал, исцелял, давал советы, некоторых постригал в монахи. Посетители приносили гостинцы, но преподобный брал не у всех. "К Богу пришли?" - спрашивал старец приходящих и нему.

Однажды он спас от самоубийства человека, от которого ушла жена. Жена вернулась. Вассе, жене ростовского коменданта, исцелил отрубленный палец. А свою почитательницу Антонину Порфирьевну Донченко (в схиме - Ангелину) с дочерью Ларисой накормил необыкновенным пловом. "Но вот диво дивное, берем и берем ложками, а кушанье не убывает," - вспоминала она. Во время одного из своих визитов, Антонина никак не могла сосредоточиться на словах старца. Тогда он взял крест и начал ходить вкруговую по комнате, крестя каждый угол. Выгнал беса, тогда она сразу поняла, о чем говорил преподобный: какие сады на небе, реки молочные, реки медовые, какие большие фрукты, какие душистые цветы без ветра качают своими головками, а Ангелочки летают и ножками цепляют за цветочки.

О. Феодосий вылечил от туберкулеза сестру Антонины, Юлю, предсказав ей горькую жизнь в замужестве. Параскеве, их матери, он даже хотел дать постриг, но она не успела приехать и замерзла в лесу.

Многих старец постригал тайно. Григория, военкома Кавказских Минеральных Вод, он постриг вместе с семьей, предварительно обвенчав с женой и покрестив их дочь Зою. Жили тихо, справляя семейной общинкой монашеское правило. Монах Михаил - такое имя получил в постриге военком - и в миру являл собой пример христианской добродетели. Шестнадцатилетнего Федю, будущего епископа Лазаря, святой постриг во иноческий чин, сказав: "Пожалуй, я тебе, Федя, крылышки приделаю". Монахиня Мариамна (в миру - Мария) тоже была пострижена отцом Феодосием. Господь даровал ей разумение славянской грамоты. Болящей Вере Афанасьевне Моза преподобный нарек в постриге имя в честь великомученицы Варвары и часто говорил, что когда умрет, оставит на нее свою паству. Она отошла ко Господу в 1961 году и была похоронена недалеко от могилы старца.

Известно, как о. Феодосий во время войны спас детей. Вбежав в школу, дед Кузюк (так еще называли преподобного), шутками увел детей за собой, а потом на место школы упала бомба. Или еще - вагон на рельсах стоит, а старец толкает его, приговаривая: "Господи, благослови". Подошел патруль: "Что ты, дед, делаешь ?" - "Так Божичка повелел". Отец Феодосий ушел, а через некоторое время на то место, где стоял вагон, попала бомба, а в вагоне находились снаряды. Если бы бомба попала в вагон, от города бы ничего не осталось. Антонине Порфирьевне старец предсказал грядущий голод, а потерявшим своих родственников во время войны говорил, живы ли они.

Себя он иносказательно называл "мой дяденька", (последние семнадцать лет жизни он нес подвиг юродства): "Когда мои деточки стоят, мой дяденька отдыхает. А когда мои деточки падают, мой дяденька день и ночь молится за них".

"Нам, детям, говорили: не называйте его батюшкой, он Дедушка," - вспоминала Александра, послушница отца Феодосия. Марию, одну из своих почитательниц, преподобный как-то спросил: "Как ты думаешь, сколько мне лет ?" - "Один Боженька знает, я не знаю". - "Истинно говорю тебе и неложно, Господь свидетель, мне тысяча лет". Потом опять говорит: "Как ты думаешь, сколько мне лет ?" - "Боженька знает, я не знаю". - "Истинно говорю и неложно, Господь свидетель, мне шестьсот лет". Помедлив немного, в третий раз спрашивает: "Как ты думаешь, Мария, сколько мне лет ?" - "Один Боженька знает, я не знаю". - "Истинно, неложно говорю, Господь свидетель, мне четыреста лет". Святых Христовых Таин приобщался он у отца Евгения, тоже афонского монаха, на станции Кавказской.

Однажды зимой, в последний год своей жизни, старец Феодосий упал и сильно ушибся. Его на саночках отвезли домой.

Святой провидел и свою кончину. За три дня до своей смерти он сказал: "Через три дня конец свету". И еще: "Когда хозяин уйдет, все животные будут плакать: и корова, и курочка". Так и сбылось - ревела корова, кудахтали куры, жалобно мяукала кошка. Одна женщина незадолго до его смерти видела облако, а в нем Господь держит душу преподобного. "Я уже был мертв, но упросил Боженьку оставить меня пожить еще немного," - признавался старец.

Летом 1948 года он умер. Хоронили без музыки, зная, что Дедушка этого не любил. От гроба шло такое сияние, что фотографу было трудно снимать. Когда же пронесли гроб до окраины города, подошли четыре красивых юноши, с волосами до плеч, в белых длиннополых сорочках, черных брюках и легких сапожках. Они подняли гроб и несли его без перемены до самого кладбища. Когда стали созывать на поминальную трапезу, оказалось, что юноши исчезли.

Своим духовным чадам старец Феодосий часто говорил: "Кто будет меня призывать, с тем я всегда рядом буду".

Акафист преподобному Феодосию Кавказскому

Кондак 1

Избранный угодниче Христов и преславный чудотворче, преподобне отче Феодосие, подвиги твоими Ангелы удививый и человеки многия из глубины греховныя изведый, умоли и о нас прославльшаго тя Господа и от бед и напастей нас свободи, любовию зовущих ти:

Радуйся, преподобне Феодосие, Кавказский чудотворче.

Икос 1

Ангелов Творец избра тя от чрева матере твоея и в рождестве твоем показа знамение будущаго монашескаго жития твоего, да будеши, богоблаженне Феодосие, молитвенник ко Господу и Пречистей Его Матери за весь мир. Мы же, грешнии, уповающе на скорую помощь твою, взываем ти сице: Радуйся, от чрева матере Господом избранный; радуйся, еще в детстве к служению Богу преднареченный.Радуйся, в рождестве твоем чудное знамение монашескаго жития явивый; радуйся, в юности строгость монашескаго жития показавый. Радуйся, Христа всем сердцем возлюбивый; радуйся, ум и сердце Господу предавый.

Радуйся, народа российскаго молитвенное ограждение; радуйся, земли Кавказския священное украшение.

Радуйся, преподобне Феодосие, Кавказский чудотворче.

Кондак 2

Видя Господь благое сердца твоего изволение, яко от младенчества имел еси велию любовь к Нему и немолчно прославлял еси Имя Господне, уготова ти ангельское житие во Святей Горе Афонстей. Там же во смирении и послушании пребывал еси, научая нас Единаго Бога любити и Того ради вся земная презирати, вопиюще Ему: Аллилуиа.

Икос 2

Разум имея Богом просвещенный, преподобне отче Феодосие, на Раевом камени от младенчества молитися Богу навыкл еси, веру крепкую, надежду несумненную, любовь истинную к Нему стяжал еси и стопы своя ко Святей Горе Афонстей направивый, темже ублажаем тя сице: Радуйся, от младенчества молитву ко Господу устами творивый; радуйся, с ранних лет любовию пламенною к Нему горевый. Радуйся на Святей Горе Афонстей во отрочестве ангельски поживый; радуйся, тамо многая послушания понесый. Радуйся, усердный к Богу и Матери Божией молитвенниче;радуйся, истиннаго покаяния проповедниче. Радуйся, скорбящим скорое утешение и вразумление; радуйся, присное и неложное их успокоение.

Радуйся, преподобне Феодосие, Кавказский чудотворче.

Кондак 3

Силу, данную ти свыше, приял еси, преподобне отче Феодосие, изгоняти всякую силу вражию. И того ради с кротостию и смирением уврачевал еси одержимую бесом жену знатную, да сие чудо видяще, вси людие прославят Бога, вопиюще Ему: Аллилуиа.

Икос 3

Имуще тя, изрядный угодниче Христов Феодосие, воителя противу силы бесовския, теплаго молитвенника и предстателя пред Господем о нас, недостойных, любовию твоею побеждаеми, со умилением зовем ти: Радуйся, во юности Духа Святаго от Господа получивый; радуйся, жену знатную, бесом одержимую, еще отрок сый, исцеливый. Радуйся, воине Христов добропобедный; радуйся, предстателю о нас к Богу и Богородице непостыдный. Радуйся, силу чудес от Бога явивый; радуйся, плотския похоти умертвивый. Радуйся, Небеснаго Царя избранниче предивный; радуйся, козни диавольския победивый.

Радуйся, преподобне Феодосие, Кавказский чудотворче.

Кондак 4

Бурю гнева неправеднаго зависти ради от братии претерпел еси, блаженне Феодосие, теми в нечистоты вверженный, Пречистою же Богородицею чудесно извлеченный. Сего ради, зрящи о тебе таковое Матери Божия благоволение, вопием Всевышнему Богу: Аллилуиа.

Икос 4

Слышаша вси людие о чудеснем излиянии милости Пресвятыя Девы Марии и Архистратига Божия Михаила, на тебе бывшем, мы же грешнии прославляем дивнаго во святых Своих Господа и Его Пречистую Матерь со Архангелом и вопием ти: Радуйся, Царицею Небесною от смерти спасенный; радуйся, Архистратигом Михаилом от посрамления избавленный. Радуйся, тесный путь спасения возлюбивый; радуйся, ярем Господень на выю свою возложивый. Радуйся, от братии в монастыре всяческая поношения претерпевый; радуйся, младенческое незлобие имевый. Радуйся, рабе Господень благий и верный; радуйся, скорый помощниче всем скорбящим и обремененным.

Радуйся, преподобне Феодосие, Кавказский чудотворче.

Кондак 5

Божественный Огнь Благодатный видя, на гробе Господнем в Великую Субботу чудесно возгараемый, и сим Огнем освященный, многая лета послужил еси, преподобне отче Феодосие, во Святей Земли, выну взывая Богу: Аллилуиа.

Икос 5

Видяще тя очима веры чада твоя, преподобне отче Феодосие, со благоговением у Гроба Господня служаща и со дерзновением Ему мольбы о стране Российстей приносяща, удивлением объяты, благодарно вопием ти: Радуйся, в Земли Святей благодатно поживый; радуйся, по стопам Спасителя ходивый. Радуйся, Огнь Благодатный зревый; радуйся, пламень любве к Богу имевый. Радуйся, пред Гробом Господним служителю предивный; радуйся, молитвенниче к Богу и Богородице о нас неусыпный. Радуйся, веру Христову миру являяй; радуйся, всюду Христа прославляяй.

Радуйся, преподобне Феодосие, Кавказский чудотворче.

Кондак 6

Проповедник смирения и покаяния был еси, отче, примером жития твоего незлобие и всепрощение показуя, якоже светило многосветлое тьму неведения и уныния от приходящих к тебе отгонял еси и всех увещевал еси плоть духови покаряти и чистым сердцем пети Богу: Аллилуиа.

Икос 6

Приемый от Господа благодать разумения о Святей Троице на Афонстей Горе, во Иерусалиме и Царьграде, в России православныя веры проповедник явился еси. Мы же, верующе православно во Святую Троицу, с любовию вопием ти: Радуйся, веры православныя среди неверных проповедниче; радуйся, предивный Божий избранниче. Радуйся, усердно призывающим тя помогаяй; радуйся, добре стадо свое наставляяй. Радуйся, людей земли Кавказския усердный заступниче; радуйся, к Богу и Богородице непрестанный о них молитвенниче. Радуйся, Царствия Небеснаго наследниче; радуйся, веры Христовой дерзновенный исповедниче.

Радуйся, преподобне Феодосие, Кавказский чудотворче.

Кондак 7

Хотя Человеколюбец Господь явити в тебе, преподобне, Свое неизреченное к людям милосердие, показа тя яко воистину светило богосветлое: скорым твоим ходатайством чудеса многая и преславная совершаются. Ты же, старче, и при жизни достигл еси посещения небесных служителей, благодарне прославляя Всевышняго Бога: Аллилуиа.

Икос 7

Новаго видяще тя избранника Божия в земли Кавказстей, издалеча притекаху к тебе вернии в скорбех и болезнех, егда источник в пустыни ископал еси, старче Феодосие, и благодать на воду сию у Святыя Троицы испросил еси исцеляти телесныя и душевныя недуги. Сего ради взываем ти: Радуйся, старче, рабе Господень; радуйся, яко из уст твоих вернии благодатно напаяются. Радуйся, духовною пищею алчущия питаяй; радуйся, святою водою из источника твоего верным жажду утоляяй; Радуйся, яко при жизни посещения Царицы Небесныя сподобивыйся; радуйся, и святыми небожительми не оставленный. Радуйся, яко благословением и советы людем верующим помогаяй; радуйся, всех с верою к тебе притекающих на путь спасения наставляяй.

Радуйся, преподобне Феодосие, Кавказский чудотворче.

Кондак 8

Странное и преславное чудо дарова ти Господь, преподобне отче Феодосие, дар молитвенный, живых заступающий и от ада спасающий. Мы же Господу нашему, даровавшему нам таковаго молитвенника и ходатая о нас, вопием: Аллилуиа.

Икос 8

Всего себе Христу от чрева матерняго предал еси, блаженне Феодосие, умиленным сердцем и сокрушенною душею Тому всегда предстоя и духовная чада твоя научая хранити смирение и самоукорение, дар умиления стяжати. Сия слышавше, восхваляем тя сице: Радуйся, Безкровныя Жертвы достойный совершителю; радуйся, олтаря Господня благоговейный служителю. Радуйся, светильниче духовных дарований; радуйся, обитель иноческую на земли Кавказстей основавый. Радуйся, тяжкая заточения Христа ради претерпевый; радуйся, об изгнании своем ближним предсказавый. Радуйся, любящим и чтущим тя ходатаю спасения; радуйся, приводяй грешников ко исправлению.

Радуйся, преподобне Феодосие, Кавказский чудотворче.

Кондак 9

Вси людие удивляхуся тебе, старче Феодосие, яко призыванием Господа и имене твоего бесы изгоняются и одержимии исцеляются. Тако и мы, людие края Ставропольскаго, прибегающе к тебе, умиленно возглашаем Богу: Аллилуиа.

Икос 9

Разум человеческий не может изрещи обилие благодати духовныя, еюже ты, отче Феодосие, преисполнен еси, юже и мы получаем, в молитве к тебе обращающиеся. Сего ради сицевое пение приносим тебе: Радуйся, молитвами твоими тьму напастей от нас отгоняеши; радуйся, на узкий путь отрешения от мира нас наставляеши. Радуйся, страданьми душу обогативый;радуйся, утешение чадом духовным явивый. Радуйся, Господом укрепленный; радуйся, Духом Святым просвещенный. Радуйся, среди горских народов поживый; радуйся, и с иноверными в мире жити учивый.

Радуйся, преподобне Феодосие, Кавказский чудотворче.

Кондак 10

Богоборная гонения Церкви Православной видя, ты, отче Феодосие, желая помощи верным в трудную годину спастися, подвиг юродства приял еси, да явиши людем премудрости Божией велия дары, вопия Ему: Аллилуиа.

Икос 10

Стена еси и твердое прибежище нам, на Кавказе живущим и к заступлению твоему прибегающим, чудотворче Феодосие. Темже в бедах, скорбех, обстояниих и лишениих многих пребывающе, радующиеся твоему о нас заступлению, благодарне вопием ти:

Радуйся, в юродстве своем силу Божию людем православным явивый; радуйся, грядущая, яко настоящая, провидевый. Радуйся, прегрешений сокровенных обличителю прозорливый; радуйся, жителем града Минводы беды и несчастия в притчах предсказавый. Радуйся, детей малых от огненнаго запаления чудесно избавивый; радуйся, призывающим тя скорый помощниче. Радуйся, любви и смирению свою паству научаяй; радуйся, от мысли о самоубийстве упавших духом отвращаяй.

Радуйся, преподобне Феодосие, Кавказский чудотворче.

Кондак 11

Пение всеумиленное Пресвятей Троице принесл еси, егда душу свою Спасителю мира в руце предал еси и с лики Ангел в небесная селения вселился еси, воспевая Богу: Аллилуиа.

Икос 11

Видевше людие, угодниче Божий Феодосие, мирную кончину твою и чудеса, на гробе твоем творимая, возрадовашася; темже в уповании всесильнаго предстательства твоего у Престола Пресвятыя Троицы уверившиеся, с любовию взывают ти: Радуйся, Господь бо тя в обители небесныя всели; радуйся, кончину бо твою кампанов звон чудесно возвести. Радуйся, яко гроб твой Ангели сопроводиша; радуйся, яко на могиле твоей людие столп огненный видеша. Радуйся, от мощей бо твоих вернии получают исцеления; радуйся, притекающих ко гробу твоему крепкое заступление. Радуйся, таин Божиих вечный зрителю; радуйся, от бед и горя скорый избавителю.

Радуйся, преподобне Феодосие, Кавказский чудотворче.

Кондак 12

Благодать Божию приял еси, преславне Феодосие, яко при жизни твоей светильник был еси приходящим к тебе с верою, и по смерти своей возсиял еси светом чудес твоих, да живущии на земли Кавказстей, дивящеся о славе твоей, взывают Богу со умилением: Аллилуиа.

Икос 12

Поюще Бога, дивнаго во святых Своих, восхваляем тя, преподобне отче Феодосие, ты бо еси образ жития юным, правило веры мужем, в старости учитель старцев, нам же всем молитвенник и предстатель. Сего ради вопием ти: Радуйся, долголетием от Бога одаренный; радуйся, и по смерти чад своих не оставивый. Радуйся, обилие чудес верным явивый;радуйся, всем с верою приходящим к мощем твоим помогаяй. Радуйся, на стезю спасения всех наставляющий; радуйся, Церковь Святую от неверия и расколов сохраняющий. Радуйся, во бранех верный о нас молитвенниче; радуйся, архиереев и иереев земли Кавказския покровителю и скорый помощниче.

Радуйся, преподобне Феодосие, Кавказский чудотворче.

Кондак 13

О пречудный угодниче Божий и чудотворче, преподобне отче Феодосие ! Ты воистину дар Божий еси нам, иже во иночестве, и во священстве, и во юродстве Триипостаснаго Бога прославил еси. Приими малое сие моление наше и умоли Господа Бога, да помилует нас твоими мольбами и на путь покаяния всех наставит, вопиющих Ему: Аллилуиа.

(Этот кондак читается трижды, затем 1-й икос: Ангелов Творец... и 1-й кондак: Избранный угодниче Христов...)

Молитва преподобному Феодосию Кавказскому

О святый угодниче Божий, преподобне отче Феодосие !

Ты, от юности Христа возлюбивый и Единому Ему последовавый, удалился еси на Святую Гору Афонскую, в удел Матери Божия, и оттуду ко Гробу Господню притекл еси. Тамо во священном сане многая лета пребывая, совершал еси усердная моления за Землю Российскую, за Церковь Православную и за народ русский.

Егда же постиже Русь Святую лихолетие безбожия, ты, Афон и Иерусалим оставив, вернулся еси во Отечество свое, разделяя горе и страдания народа своего и Церкви нашея Святыя, якоже монах и священнослужитель, даже до темничнаго заточения. Вера твоя, кротость, смирение и терпение умиляху огрубевшая сердца в заточении с тобою пребывавших.

В годы брани ты, отче, помогал еси народу православному одолети врага и супостата, и многих спасл еси, иже от уныния, горя и отчаяния жизнь свою скончати восхотеша. Помощию твоею вернии укрепляхуся во уповании своем, яко не оставит Господь Отечество наше, Мати Божия сохранит удел Свой, и гнев Божий Ея молитвами на милость претворится.

Многотрудный твой подвиг юродства Христа ради удиви, отче, не токмо нас, земных, но и небожителей, являвшихся тебе. Вся бо может сотворити молитва праведника, верою крепкою поспешествуемая.

Ты веси нужды и печали наша, преподобне отче Феодосие, веси и желание наше со Христом быти. Пройдя тесный и тернистый путь земнаго бытия, ты несл еси ярем тяжкий от братий своих, от неверных и соплеменников. Помяни нас, старче Божий, у Престола Господня, яко обещался еси помогати всем, иже обратятся к тебе.

Память о тебе, отче, не оскудевает на земли Кавказстей и до ныне: се бо с верою и упованием притекают православнии людие к месту твоего упокоения, просяще заступления и помощи.

Просим тя, преподобне отче Феодосие: помози нам в трудный час жизни нашея, в скорбех и страданиих, умоли Начальника мира Господа, да умягчит Он злая и огрубевшая сердца человеческая и умирит народы Кавказа, да разорит нечестивыя советы раскольников и еретиков, возстающих на Церковь Русскую Святую.

Твоими молитвами, святче Божий, да простит нам Господь всякая прегрешения, да минуют нас стрелы вражия и козни диавольския. Испроси у Творца и Промыслителя жизни нашея время на покаяние, от пагубы избавление, болящим здравие, падшим возстановление, скорбящим утешение, чадом в страсе Божием воспитание, отходящим к вечности благое уготовление, отшедшим упокоение и Небеснаго Царствия наследование.

Буди, отче Феодосие, покровитель и помощник всем верным земли Кавказския. Да укрепится и умножится на ней и во всей Руси Велицей Святое Православие. Мы же, святыми твоими молитвами укрепляеми, прославим Живоначальную Троицу и твое освященное Богом имя, ныне и присно и во веки веков. Аминь.

Молитва вторая

О преподобне и богоносне отче наш Феодосие ! Служением молитвенным, бдением, пощением и окормлением духовных чад твоих ты стяжал еси велию благодать и милость у Господа. И ныне, пред лицем славы Его предстояй и неизглаголаннаго блаженства наслаждаяся, умоли Человеколюбца Бога избавити чад твоих (имена) от скорбей и болезней, бесовских искушений и нападений, волхования и человек лукавых, диаволом наущенных вредити чадом Божиим, и от всякаго зла, простити нам согрешения наша, вольная же и невольная, да молитвами твоими спасаеми, достигнем кончины живота нашего безболезненныя, непостыдныя и мирныя, и сподобимся получити блаженства обители райския. Аминь.