День памяти:  Май 1

Макарий I {прозвище Черт; середина 15 века - 1.5.1497}, деятель православной церкви в Великом Княжестве Литовском. Данных о начале его жизни не сохранилось. Митрополит Симеон {1481-88} назначил его архимандритом Свято-Троицкого монастыря в Вильне. С 1495 -митрополит киевский, галицкий и всея Руси. Пользовался доверием Москвы. Когда готовился брак дочери великого князя московского Ивана III Алены Ивановны с великим князем литовским Александром, Иван III просил, чтобы таинство венчание проводил Макарий I, избранный на кафедру митрополита собором епископов Великого Княжества Литовского. В 1496 благословлен константинопольским патриархом Нифонтом. Разрешил виленским мещанам ежегодную ревизию собственности в церквях, но отклонил их претензии на участие в выборе священников и игуменов. Убит крымскими татарами в селе Скрыгалово недалеко от Мозыря по пути в Киев. Похоронен в Софийском соборе в Киеве. Канонизирован./Из энциклопедии Великого Княжества Литовского/

 

1 мая 1497 года недалеко от Мозыря произошло событие, отозвавшееся в веках. Предоставим слово летописцу, который был современником этого трагического события и лично знал человека, о котором пойдет речь: «1497 года Мая 1 дня, на шестой неделе после Великаго Дня (Пасхи), в понедельник, безбожные перекопские татары убили Преосвященнаго Макария в селе Скриголов за пять миль от Мозыря, на реке Бчичь… Так Бог попустил по нашим грехам. Такая смерть с архиереем Божиим случилась для того, чтобы он более награжден был. Он отправился в Киев, желая помочь Софии, церкви Божией, разоренной прежде того теми же нечестивцами… С самого того времени, как приняли мы крещение, никогда не случалась на земле русской того, что случилось с этим архиереем Божиим… Святая душа Святителя, по разлучении с телом, перенесена ангелами в горний Иерусалим, на лоно Авраамово, а обезглавленныя мощи праведника прославленныя нетлением, взяты были благочестивыми жителями Скриголова и перенесены в Киев, в храм Святой Софии».

Итак, из летописи следует, что в 1497 году недалеко от Мозыря, в современном Скрыгалове, перекопские татары убили Предстоятеля Православной Церкви Великого Княжества Литовского и Русского митрополита Киевского и всея Руси Макария.

 

О жизни и деятельности священномученика митрополита Киевского и всея Руси Макария известно крайне мало, но и из того, что дошло до наших дней, можно заключить, что человек этот был в высшей степени достоин славы, которой его увенчала мученическая кончина. Нам не известно когда он родился, как пришел к служению Богу, когда принял постриг. Первые исторически достоверные сведения о нем относятся к периоду, когда он уже был рукоположен в сан архимандрита Виленского Свято-Троицкого монастыря, главной обители Великого Княжества Литовского, Православная Церковь которого в этот период переживала очень серьезные трудности, поскольку противостояние с католицизмом истощало силы православных. Дело в том, что экспансия латинян происходила на фоне злоупотреблений со стороны католического духовенства, ибо они опирались на поддержку государственной власти Великого княжества Литовского и Польши, с которой наши предки жили под скипетром одного царствующего дома Гедыминова с 1385 года. Еще со времен Витовта Великого постоянно предпринимались попытки заключить церковную унию с Римом, то есть подчинить Православную Церковь папе римскому. Поэтому православным за свою веру и образ жизни приходилось сражаться на два фронта: с прямой экспансией римо-католиков и государственной властью, стремившейся принудить православных принять главенство Рима.

Святой Макарий был известен своей высокой подвижнической жизнью, примерным благочестием, непоколебимой преданностью православию и тщательным выполнением возлагавшихся на него обязанностей. Например, когда он был избран архимандритом Виленского Свято-Троицкого монастыря, он привел обитель в цветущее состояние, построил странноприимный дом, неустанно следил за укреплением дисциплины среди монахов и благочестия среди мирян. Именно благодаря этому, когда в 1494 году умер митрополит Иона, собором православных епископов Великого Княжества Литовского архимандрит Макарий был возведен в сан Митрополита Киевского и всея Руси.

Святительство митрополита Макария выпало на очень опасное и тяжелое время, когда страна находилась в состоянии непрестанной войны с татарами, которые каждый год вторгались в пределы Великого Княжества Литовского, оставляя после себя лишь выжженную землю. Владыка всем сердцем сострадал тяготам своей паствы. Его престол должен был находиться в Киеве, поэтому митрополит постоянно стремился обосноваться именно там, чтобы своим пастырским словом поддерживать отчаявшихся, утешать страдающих, вселять веру и духовные силы в души православных. Ведь с момента основания отдельной митрополии для Великого Княжества Литовского, резиденция митрополитов литовских и русских находилась под защитой неприступных стен Новогрудского замка. При этом Киев фактически перестал быть столицей митрополитов Русских и Литовских (на территории современной Украины и Беларуси) со времени его разрушения монгольским ханом Батыем в 1240 году. В 1482 году крымские татары в очередной раз штурмом взяли и разрушили Киев, причем, как явствует из летописей и архивных документов Великого Княжества, масштабы разорения на этот раз были самыми ужасающими за всю историю этого древнего города. Великий Князь Литовский и Король Польский Казимир-Андрей был вынужден восстанавливать город из руин, заселив его переселенцами из белорусского поднепровья (в количестве 20 тысяч человек).

 

Митрополит Макарий долгое время не мог попасть в Киев, поскольку неотложные государственные и церковные дела требовали его присутствия в столице при дворе Великого Князя Александра. Особенно много внимания и сил требовали от митрополита Макария дела церковные. Дело в том, что в те времена государственная власть, магнаты и миряне (то есть, мещане «вольных» городов) очень часто, в нарушение всех канонов, вмешивались во внутренние дела Церкви, и особенным «вниманием» пользовались имущественные и финансовые аспекты церковной жизни. Как следствие, имели место вопиющие злоупотребления и расхищение имущества Церкви, а прямые обязанности церковных приходов, включая дела милосердия и катехизаторскую деятельность игнорировались, ибо во главу угла ставилось извлечение максимальных доходов за счет прихожан. Именно против этих «нестроений» святой митрополит повел беспощадную борьбу на всех уровнях, не опасаясь ущемить интересы Великого Князя, вельможных панов и виленских мещан.

Меры митрополита Макария, предпринятые для устранения злоупотреблений в церковной жизни, послужили при его преемниках основанием для ограничения прав мирян в управлении делами приходов и принятия ряда важных определений, принятых на Соборе 25 декабря 1509 года в Вильно и утвержденных великим князем Сигизмундом I Старым.

 

Митрополит Макарий, скорее всего, понимал, что успешное противостояние экспансии католичества может быть организовано только из древнего духовного центра восточных славян, то есть, возвращение к истокам должно было послужить началом возрождения православия. К моменту восшествия святителя на митрополитчий престол, Киев уже не посещался митрополитами более ста лет, а город представлял собою бледное подобие былого величия. Святой митрополит хотел положить конец практике, когда предстоятели Православной Церкви Великого княжества Литовского и Русского, нося титул «митрополит Киевский», жили не в своей столице, а в Новогрудке и Вильно, что нарушало каноны Православия.

 

Уладив самые неотложные дела, митрополит Макарий назначил свое путешествие в Киев на весну 1497 года. Но зимой обострились отношения с великим князем московским Иваном III, союзниками которого были татары. В то время, когда армия Великого Княжества Литовского двинулась к восточным границам государства чтобы предотвратить возможное нападение московских войск, неожиданно и вероломно с юга в пределы Княжества Литовского вторглись несметные полчища татар, которые опустошали незащищенные южные земли государства, грабя и уничтожая все на своем пути.

Вскоре первые татарские отряды появились под стенами Мозыря и других городов на юге Беларуси. Паника и ужас охватили всех – от простых крестьян до первых лиц государства, включая Великого Князя Александра и его сановников, укрывшихся за стенами мощных замков на северо-западе Беларуси. Оставалось надеяться лишь на южные крепости, несмотря на то, что в основном они были деревянные и небольшие по размерам. В первую очередь – на Мозырский замок, так как недалеко от Мозыря был Овручский брод, одна из главных транспортных артерий, связывавших север и юг Великого Княжества Литовского, поэтому быстрое падение Мозыря открывало татарам путь в пределы Литвы-Беларуси.

 

Единственным человеком, который в этот переломный момент не поддался общей панике и предпринял решительные действия с целью воодушевить свою паству, был митрополит Макарий. Не смотря на предостережения друзей и близких, и предсказание, что это путешествие для него будет последним, святой Макарий отправляется в путь по охваченному войной югу Беларуси, говоря своим близким: «Я хочу исполнить мой святой долг, как архипастырь. Да будет на мне воля Божия». Главной целью служения митрополита было поднятие духа и воли к борьбе и продемонстрировать, что простой народ не покинут – его духовный отец рядом с ним.

 

Совершая водный путь по Припяти, святитель остановился в селе Скриголов (Скрыгалов) для совершения Божественной Литургии. Во время Литургии стало известно, что из-под стен осажденного Мозырского замка на перехват митрополита отправлен отряд татарской конницы. Митрополит отказался покинуть это место, обратившись к окружающим с такими словами: «Спасайтесь, детки, а мне нельзя я отдаю себя воле Божией». При этом святитель продолжил совершать Литургию. Вскоре появились татары и после непродолжительной, но яростной схватки, малочисленные защитники митрополита были убиты.

 

Ворвавшись в храм, татары схватили святителя и, выведя его на берег реки, предложили сделку. Как повествуют народные предания и жития других святых, смысл сделки был в следующем: митрополит приказывает сдаться защитникам Мозырского замка и татары сохраняют ему жизнь, другие источники говорят о других условиях, но смысл их один – ради спасения собственной жизни митрополит Макарий должен был предать людей, которых воодушевляло его присутствие и вселяло в души простого народа веру и надежду, который видел в нем посланника Божия, духовного защитника в трудную минуту. Не задумываясь ни на секунду, святой митрополит отверг дьявольское предложение нечестивых врагов своего Отечества, и с истинным смирением и надеждой на Вседержителя принял мученическую смерть от рук неверных, не изменив своему пастырскому долгу.

 

Его жертва не была напрасной – Мозырский замок отбил все яростные приступы и штурмы «басурман» - татары в этот год так и не смогли прорваться в глубь Беларуси. Но не только этим определяется значение святителя Макария для нашей Православной Церкви. Память его драгоценна для нас еще и потому, что этот святитель, прославленный вскоре после своей мученической кончины, «является постоянным нашим ходатаем перед Богом. Нетленные мощи его служили и служат великим утешением для всех православных…».

Ровно через столетие после принятия мученического венца митрополитом Макарием, Православной Церкви на территории Польской Украины и Великого Княжества Литовского (включая Беларусь) была навязана уния с Римом, однако даже униаты с великим благоговением отнеслась к нетленным мощам митрополита Макария, который всегда был ее непримиримым противником.

 

Акафист священномученику Макарию, митрополиту Киевскому.

Кондак 1


Избранный чудотворче и преславный угодниче Христов, святителю отче Макарие, присно от лютых и напастей молитвами твоими избавляеми приносим ти похвальная. Ты же, яко имеяй дерзновение ко Господу, не престай от всех бед свобождати любовию тебе зовущих:

Радуйся, Макарие, архиереом честное украшение.

Икос 1


Ангела земнаго званием и человека небеснаго житием, яви тя небесе и земли Создатель: Емуже предстоя и ликовствуя непрестанно с небесными чинми, славословие возсылаеши и молением грешных людей от земли внемлеши, услыши и нас ко предстательству твоему усердно взывающих:

Радуйся, яко по имени твоему и житие твое блаженное.

Радуйся, Троическим единством священнотайне п
pосвещаяйся.
Радуйся, к Триипостасному Свету и наши души возводяяй.

Радуйся, волю избравшаго тя Господа Христа творивый.

Радуйся, и нас творити волю Его своим житием научаяй.

Радуйся, Спасителя Бога любве искренний подражателю.

Радуйся, и наши души любовию Креста Его просвещаяй.

Радуйся, Духа Пресвятаго сосуде избранный.

Радуйся, и на нас благодать Его призываяй.

Радуйся, с Царицей Небесной пред Спасителем нашим предстателю.

Радуйся, непрестанный ангелов собеседнице.

Радуйся, о роде человечестем усердный молитвенниче

Радуйся, Макарие, архиереом честное украшение.

Кондак 2


Видяще святыя мощи твоя, многая чудеса источающия, и покланяющеся им, яко дивному знамению милости Господней в земли нашей, радостно благодарим Бога, благоговейно поюще Ему: Аллилуиа.

Икос 2


Разумом просвещенным свыше вразумляя заблуждшия, сильный поборник был еси истины Христовой, святителю Макарие, егда в стране Литовстей царие земстии и князи людстии собрашася вкупе на верных чад Церкви Христовой, мы же трудами и молитвами твоими от иноплеменнаго и иновернаго ига избавльшеся, вопием ти сице:

Радуйся, града Вильны славное прозябение.

Радуйся, верный хранителю апостольских преданий.

Радуйся, истины Православия страже неусыпный.

Радуйся, столпе благочестия несокрушимый.

Радуйся, святителей древних подражателю.

Радуйся, крепосте наша духовная.

Радуйся, твердое веры и правды охранение.

Радуйся, пастырем и пасомым образе благочестия.

Радуйся, Церкви преславная красото.

Радуйся, архиереев доброто.

Радуйся, православия светило.

Радуйся, яко духовную жертву непрестанно ко Господу возносиши.

Радуйся, Макарие, архиереом честное украшение.

Кондак 3


Сила свыше осени тя, истинный пастырю душ христиански, егда противу волков злых, ищущих стадо Христово расхитити, твердо стоял еси, и духовныя чада твоя и благоверную княгиню в Православии укрепил еси, и ныне на небесах предстоя Христу Богу, моли Господа Славы, да умножит в земли нашей благочестие и единомыслие: оступившия же от православныя Церкви светом познания Своего да озарит, да и тии с нами воззовут Ему: Аллилуиа.

Икос 3


Имея воистинну, блаженне Макарие, великую любовь стаду своему, людем Русским явился еси наставник мудрый ко спасению, нам же молитвенник теплый и скорый помощник показался еси, вся подвизая благодарно взывати тебе:

Радуйся, от рук агарянских смертную испивый чашу.

Радуйся, от уст верных сего ради присно восхваляемый.

Радуйся, мучениче, к небесным селениям дух наш присно возводяяй.

Радуйся, подвижниче, нас, от юности страстьми обуреваемых, безстрастию поучаяй.

Радуйся, пастырю, благовествуяй нам глагол Христов силою многою.

Радуйся, отче, чадом своим путь ко спасению показавый.

Радуйся, града Киева небесный покровителю.

Радуйся, священнослужителям добрый наставниче.

Радуйся, монахов и мирских людей мудрый учителю.

Радуйся, страны нашей преславный светильниче.

Радуйся, всех молящихся прибежище.

Радуйся, скорбящих утешителю.

Радуйся, Макарие, архиереом честное украшение.

Кондак 4


Бурею латинскаго еретическаго неистовства и блуждания обуреваеми русскии людие обретоша в тебе, священномучениче Макарие, кормчаго изрядна во спасение, темже и мы, зря житейское море, воздвизаемое бурею страстей и неверия, притекаем к тихому пристанищу молитв твоих и к Богу, возводящему от тли живот наш, вопием: Аллилуиа.

Икос 4


Слышавше и видевше, святе Макарие, ближнии и дальнии души твоея доброту и святость жития твоего, избра тя в архипастыря Церкве литовско-русския и обретоша в тебе пастыря добраго, за овцы свою душу положити готоваго, с веселием взываху:

Радуйся, избранниче Божий, преславный.

Радуйся, сосуде чистоты и ревности исполненный.

Радуйся, церковная похвало.

Радуйся, лести латинския посрамителю.

Радуйся, Православия догматов уяснителю.

Радуйся, гонимых правды ради защитниче.

Радуйся, любомудрствующих в Бозе благий советниче.

Радуйся, лукаваго мудрования обличителю.

Радуйся, воздержания учителю.

Радуйся, в простоте сердца верующим светлое веры правило.

Радуйся, в уничижении житие свое проводящим образе кротости и смирения.

Радуйся, спасающихся ободрение.

Радуйся, Макарие, архиереом честное украшение.

Кондак 5


Боготечною звездою востекл еси, святителю Макарие, ко святому граду Киеву, ревностию снедаем о доме Божием и о спасении врученных ти душ, аще и ведал еси о нашествии агарян, с мечем смерти ожидавших тя на пути, обаче вся презрел еси во еже исполнити должная. И совершая хотение твое, в соборной церкви града Киева ныне нетленно почиваеши и чадам твоим выну предстоиши, научи, о блаженне, и нас, разслабленных духом, путь спасению в Бозе совершати и на сем пути вся препоны молитвами твоими препобеждати, да ни смерть, ни живот не разлучат ны от любве Божия, ниже заключат устен наших, вопиющих Спасителю Богу: Аллилуиа.

Икос 5


Увидевше веси скрыголовстии людие, в церкви сущие, агарян нечестивых губительное нашествие, смертным ужасом одержими бывше, бежаху. Ты же, о досточудне, яко доблий воин Христов, на страже служения твоего пребыл непоколебим, и тако мечем нечестивых от служения временнаго преставлен еси к славословию вечному пред Господом всяческих, Ему же с горними чинми сослужа, приими наша хваления таковая:

Радуйся, с безкровною жертвою кровь свою в жертву угодную Богу принесый.

Радуйся, с херувимы Животворящей Троице Трисвятую песнь присно припеваяй.

Радуйся, небесными чинми невидимо дориносимо, к Богу вознесенный.

Радуйся, с праведными вечное Аллилуиа воспеваяй.

Радуйся, до крове исповедавый Троицу единосущную.

Радуйся, горе имеяй пламенеющий дух.

Радуйся, достойно возблагодаривый Господа.

Радуйся, с шестикрылатыми и многоочитыми победную песнь поющий.

Радуйся, Пречистых Таин Христовых воистинну в жизнь вечную причастивыйся.

Радуйся, святая во освящение вкусивый.

Радуйся, апостольския власти в чести преемниче.

Радуйся, чудес источниче.

Радуйся, Макарие, архиереом честное украшение.

Кондак 6


Проповедник истины Православия явился еси, богомудре Макарие, якоже бо древле во святем граде равноапостольная Елена с патриархом Макарием честный Крест Христов воздвизаше людям взывавшим: «Господи, помилуй», сице и ты, русскаго Сиона первосвятителю, с княгинею Еленою в сердцах верных оный Крест утверждал еси, да вси единым сердцем и едиными усты взывают на нем пригвожденному Богу: Аллилуиа.

Икос 6


Возсия в храме премудрости Господней чудный свет от пречистых мощей твоих, предивный чудотворче, его же видевше два мужа, поведаста благоговейнейшему первосвятителю Иову и всем людем прославляюще Бога, таковую благодать ти давшего, роди же русскии от лет древних навыкоша воспевати ти:

Радуйся, светильниче, огнем божественныя благодати возжженный.

Радуйся, благовестителю света Христова.

Радуйся, ангельское житие являяй.

Радуйся, грешником наставниче покаяния.

Радуйся, яко твоим ходатайством благодать спасения всем даруется.

Радуйся, яко твоими молитвами расточенная чада церковная собираются.

Радуйся, яко твоим молением злоба и коварство посрамляются.

Радуйся, яко предстательством твоим миром ограждаемся.

Радуйся, подателю милости тоя требующим.

Радуйся, ходатаю небесных и земных благ почитающим память твою.

Радуйся, о людех теплое моление возносяй.

Радуйся, всех молящихся прибежище.

Радуйся, Макарие, архиереом честное украшение.

Кондак 7


Хотяй представити Господу овцы своя люди избранны, потщался еси всемерно княгиню Елену и люди утвердити в правоверии, всех наставляяй к житию богоугодному. Не престай, святителю, и ныне о стаде твоем молитися Вседержителю Богу, да подаст народоправителем мудрость и силу, пастырем ревность о доме Господнем и всем вся, яко же спасения полезная, о них же благодаряще Бога, да вопиют: Аллилуиа.

Икос 7


Новое знамение милости твоея яви щедродатель Господь, граду Киеву множае четыреста лет нетленны сохраняя честныя мощи твоя, священномучениче блаженне Макарие, о сем благодаряще дивнаго во святых Господа, с любовию ублажаем тя:

Радуйся, яко кровию твоею, аки багряницею, Церковь украсися.

Радуйся, яко нетленным телом твоим, аки алмазом безценным, храм премудрости Господней просветися.

Радуйся, яко тобою лик мученический преумножися.

Радуйся, яко кровию твоею семена веры в земли нашей возрастишася.

Радуйся, яко тобою небеса возвеселишася.

Радуйся, яко о тебе и земля радуется.

Радуйся, о Дусе Святе души благочестивыя возвеселяяй.

Радуйся, печаль по Бозе кающимся подаваяй.

Радуйся, в терпении крест скорбей несущих утверждаяй.

Радуйся, бодросте во обстоянии сущих.

Радуйся, напутствуемым мужеством снабдение.

Радуйся, Макарие, архиереом честное украшение.

Кондак 8


Странное купно же и дивное видение явися обретшим тя в церкви скрыголовстей магометаном, егда узревша тя, святителю Христов, единаго токмо безтрепетно престолу Господню предстояща и моление о соединении всех возсылающа, обаче сим не вразумишася, нечестивии, христиански воспети Владыце всех: Аллилуиа.

Икос 8


Весь в Бозе живеши, преблаженне отче наш, но и нас грешных не оставляеши, славу в вышних Богу воспеваеши, и зде пречистыми мощами твоими пребываеши, темже яко живу сущу с нами от всего сердца глас хвалы приносим ти:

Радуйся, яко по слову апостольскому, всем вся был еси.

Радуйся, яко спасения ради чад твоих себе на смерть предал еси.

Радуйся, посещавый стадо твое не нуждою, но волею и по Бозе.

Радуйся, рабе Господень благий и верный.

Радуйся, вшедый в радость Господа твоего.

Радуйся, данный тебе талант преумноживый.

Радуйся, в мзду приявый благодать исцелений.

Радуйся, болящих здравие.

Радуйся, скорбящих утешение.

Радуйся, явлением мощей твоих в Православии нас утверждаяй.

Радуйся, яко твоего нетленнаго телесе демоны трепещут.

Радуйся, и нас пред гробом твоим стоящих умиления исполняеши.

Радуйся, Макарие, архиереом честное украшение.

Кондак 9


Все естество ангельское удивися преславней кончине твоей, ею же житие твое достойно венчал еси, лик страстотерпцев с любовию тя преуспеваяй, такожде и Церковь Русская, купно со Владимиром и Ольгою, со страстотерпцы Борисом и Глебом, с Михаилом святителем, с Антонием и Феодосием и всеми чудотворцы Печерскими в молитвенники тя приемше, благодарно о тебе вопиют: Аллилуиа.

Икос 9


Витийства нашего немощь, восхвалити тя хотяще, добре вемы, обаче да не отрынет нас благостыня твоя, из глубины сердца вопиющих:

Радуйся, архиерею Бога вышняго.

Радуйся, пастырю нам добрый.

Радуйся, правды служителю нелицеприятный.

Радуйся, в безвестности начало жития своею сохранивый.

Радуйся, тем пастыреначальнику Христу подражавый.

Радуйся, яко тебе безвестная и тайная премудрости Божия явлена быша.

Радуйся, яко края желаний достигл еси.

Радуйся, яко в тебе мудрствовася, еже и во Христе Иисусе.

Радуйся, яко послушлив был Ему даже до смерти, смерти же мученическия.

Радуйся, яко всяко колено небесных и земных восхваляет тя.

Радуйся, во славу Христову потрудивыйся.

Радуйся, любве божественныя исполненный.

Радуйся, Макарие, архиереом честное украшение.

Кондак 10


Спасти хотя от вечныя гибели стадо твое, злоухищрении латинскими прельщаемое, подъял еси, блаженне, труды многия и болезни, обходя бо грады и веси, князи и люди утешал еси, пастыри поучал еси, противящихся истине обличал еси, всяко тщание прилагая, да вси православнии воспевают Богу согласную песнь: Аллилуиа.

Икос 10


Стена твердая был еси православным россиянам противу врагов видимых и невидимых, и ныне, угодниче Христов, молитвами твоими, волны неверия и лжеучений отврати от нас, отечество твое сохрани от глада, губительства, нашествия иноплеменников и междуусобныя брани, и от всяких бед да благодарно зовем ти:

Радуйся, на Церковь святую восстающим сильный противоборниче.

Радуйся, провозвестником Евангелия неутомимый споспешниче.

Радуйся, во тьме заблуждений сидящих светом Христовым просвещаяй.

Радуйся, столпе Церкви, его же утверди Премудрость Божия.

Радуйся, на языки, брани хотящи, гнев Божий проливаяй.

Радуйся, миротворцам милость Господню посылаяй.

Радуйся, славо и благопоспешение правителем нашим.

Радуйся, на враги победы воинству нашему ходатаю.

Радуйся, устрашение агарянских полчищ.

Радуйся, злочестия и неприязни искоренителю.

Радуйся, мира и незлобия учителю.

Радуйся, на подвиг брани духовныя вдохновителю.

Радуйся, Макарие, архиереом честное украшение.

Кондак 11


Песнь Трисвятую с херувимы и серафимы Животворящей Троице припевая, отче наш Макарие, пособствуй и нам, житейския попечения отлагающе во вся времена гласы преподобными воспевати на херувимех Сидящему: Аллилуиа.

Икос 11


Светильник горяй и святяй, показался еси, святителю Христов, егда из под спуда смиреннаго иноческаго жительства поставлен был еси на свещнице митрополии Киевския, да светиши всем чадом Церкве русския сущим, благодарно тебе зовущим:

Радуйся, яко свет твой просветися пред верными и неверными.

Радуйся, яко о тебе вси вернии прославиша Отца Небеснаго.

Радуйся, свете, его же не объят тьма латинская.

Радуйся, яко тобою мати градов русских Киев хвалится.

Радуйся, яко тебе ради и вся Русская земля веселится.

Радуйся, единокровных учителю единения.

Радуйся, в междуусобии сущим мира проповедниче.

Радуйся, взыскующим Царствия Божия незримый наставниче.

Радуйся, яко всем труждающимся и обремененным образ подвига сего являеши.

Радуйся, яко нас хладных подвигом любве твоея возгреваеши.

Радуйся, ревновати о своем спасении нас научаеши.

Радуйся, Божий избранниче,

Радуйся, Макарие, архиереом честное украшение.

Кондак 12


Благодать Пресвятаго Духа испроси нам, предстателю наш, да вся немощная в нас уврачуется, и оскудевающая восполняется; невернии и заблудшии к вере Христовой да обратятся, подражающе вере твоей; малодушнии и отчаянии надеждою несумненною да утвердятся, упованием на молитвы твои укрепляемы; жестоковыйнии и немилостивии любовию неоскудевающей да воспламенятся и твоею любовию распаляеми вси согласно да воззовут к Источнику всякия благостыни: Аллилуиа.

Икос 12


Поющим великия добродетели твои и честным мощам твоим покланяющимся, достохвальне отче Макарие, умоли Господа сил даровати коемуждо потребная и возбуди нас тепло взывати ти:

Радуйся, от Господа достойно венчанный.

Радуйся, ангелы радостно восхваляемый.

Радуйся, чудесы от честных мощей твоих паче слова прославляемый.

Радуйся, Михаила, Иллариона и прочих святителей киевских достойный приемниче.

Радуйся, аще и внезапную, но преславную кончину приявый.

Радуйся, пред престолом Господним неусыпный наш молитвенниче.

Радуйся, на небесную высоту воспаривый.

Радуйся, мудрость змиину и кротость голубину сочетавый.

Радуйся, заблудшия овцы на раменах своих ко Отцу принесый.

Радуйся, крепкая палица Христова.

Радуйся, истинная закона Божия скрижаль и источник чистыя благодати.

Радуйся, яко память твоя присно с похвалами.

Радуйся, Макарие, архиереом честное украшение.

Кондак 13


О предивный и преблаженный угодниче Христов, святый священномучениче, услыши нас грешных чад твоих и приими сие малое благохваление наше, многомощным предстательством твоим, отврати гнев Божий, праведно за грехи наши на ны движимый, и испроси нам прощения множества беззаконий наших, умоли даровати христианскую кончину живота нашего, да по велицей милости Господней муки вечныя избавльшеся, сподобимся улучити небесных благих, их же ты ныне наслаждаешися, поя Богу: Аллилуиа.
Этот Кондак читается трижды, а затем Икос 1 и Кондак 1

Молитва священномученику Макарию, митрополиту Киевскому


О великий угодниче Христов, святителю отче Макарие! В житии твоем чад твоих любовию смерти крепчайшею возлюбивый и за них душу свою предавый, призри от Горних Обителей на нас, вонми воздыханиям нашим сердечным, и помози нам недостойным и смиренным. Молися, святителю милостивый, да речет Он мир на люди Своя и на преподобныя Своя и на обращающия сердца к Нему. Даруй нам, отче наш, дух любве твоея ко святей матери нашей Церкви Христовой, укрепи ны, разслабленныя духом, отеческия предания хранити и о мимошедших напастех память спасительную имети и всегда благодарственная благодетелю Богу воспевати научи. Предстательством твоим у престола Господа сил испроси Церкви Христовой от ересей и расколов ограждение; к честным мощам твоим притекающим и чтущим святую намять твою исполнение благих их прошений, и всем христианом вся ко временней и вечней жизни потребная, да прославляется о тебе пречестное и великолепное Имя Отца и Сына и Святаго Духа и ныне и присно и во веки веков. Аминь.

Священномученику Макарию:


Тропарь, глас 4-й
И нравом причастник, и престолом наместник апостолом быв, деяние обрел еси, Богодухновенне, в видения восход: сего ради, слово истины исправляя, и веры ради пострадал еси даже до крове. Священномучениче Макарие, моли Христа Бога спастися душам нашим.

Кондак, глас тот же
Во святителех благочестно пожив и мучения путь прошед, идольския угасил еси жертвы, и поборник быв твоему стаду, богомудре. Темже тя почитающе, тайно вопием ти: от бед избави ны присно твоими мольбами, отче наш Макарие.

Величание:
Величаем тя, / священномучениче Макарие, / и чтем святую память твою: / ты бо молиши за нас / Христа Бога нашего.