image.jpeg

Акафист Положению Ризы Пресвятой Владычицы Нашей Богородицы и Приснодевы Марии во Влахерне

 

5ф

 

Кондак 1

 

Взбранной Воеводе, Царице небеси и земли, даровавшей нам благодать и силу, честныя Твоея Ризыположения память творити, благодарственное приносим пение, от бед и наветов злых нас покрывающей, не отвержи нас от Лица Твоего, милосердная Мати, но прими нас с любовию вопиющих Тебе: 

Радуйся Богородице, Ризою Твоею от злых наветов нас покрывающая.

 

Икос 1

 

Ангельский глас прииде во слух святыя Анны извествующ: ты зачнеши и родиши дщерь Преблагословенную Марию, от Нея же благословятся вся племена земная, и приидет спасение миру всему. Сие ведуще,возопиим Богородице благодарственне: Радуйся, Бога Отца Безначальнаго предвечное благоволение? Радуйся, Бога Сына Безлетнаго пречистое вместилище.Радуйся, Бога Духа Всесвятаго избранное жилище?

Радуйся, горних чинов Ангельских непрестающее удивление. Радуйся, темных сил адских всегрозное устрашение? Радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими? Радуйся, Еяже преблагому Покрову и мы земнороднии благодарне поклоняемся.

Радуйся, Богородице, Ризою Твоею от злых наветов нас покрывающая.

 

Кондак 2

 

Видеша святыя Твоя родители Иоаким и Анна, яко ты еси Пречистая, плод благословенный будеши,возблагодариша  Бога и пред дверми  храма даша обет посвятити Тя Господеви, да навыкнеши пети Ему: Аллилуа.

 

Икос 2

 

Разум совершенный стяжала еси, Богородице, воспитанием во Святая Святых. Тако не престаеши умудряти и просвещати светом Богоразумия и вся христианы, вопиющия Ти таковая: Радуйся, премилосердая Утешительнице всех скорбящих и обремененных? Радуйся, неусыпающая Наставнице всех заблудших и ослепленных. Радуйся,праведнодвижимый гнев Божий на нас Твоим молением скоро утоляющая?

Радуйся, злыя страсти наша всемощным мановением укрощающая. Радуйся, крепкое возбуждение спящих совестей? Радуйся, нетрудное преодоление беззаконных

навыков. Радуйся, Еяже ради ад стенет и духи злобы трепещут? Радуйся, Еяже ради врата рая всем нам отверзаются. 

Радуйся, Богородице, Ризою Твоею от злых наветов нас покрывающая.

 

Кондак 3

 

Сила Вышняго осени Тя, Благодатная, егда Архангел Гавриил благовествовавше о безсеменном зачатии от Тебе Сына Божия, Спасителя миру. Прияв сию благую весть со смирением, яко раба Господня, возопила еси Богу: Аллилуиа.

 

Икос 3

 

Имуще во утробе Христа Жизнодавца, востекла еси, Благословенная, к южике Своей, праведной Елисавете. И егда целоваше Тя южика Твоя, взыграся младенец Иоанн во чреве ея, и исполнися Духа Свята Елисавет и прослави Тя, да и мы вопием Тебе тако: Радуйся, царств православных несокрушимая крепосте и оградо? Радуйся, святых храмов и алтарей первейшее украшение. Радуйся, почитающих Тя, вернейшее ограждение? Радуйся, благосердых христиан неусыпающая споспешнице. Радуйся,непобедимая Воеводо к Тебе прибегающих? Радуйся, святое зерцало правды судиям немздоприимным. Радуйся, совершенный разуме наставников и детоводителей? Радуйся, благословение домов

и семейств благочестивых. 

Радуйся, Богородице,Ризою Твоею от злых наветов нас покрывающая.

 

Кондак 4

 

Буря недоумения смущает наш ум, како возможем недостойными усты восхваляти Тя, Пресвятая Дево, за Твое великое к нам вспоможение. Тем же,величая неисчетныя Твоя милости, смиренномудренно поем Вседержителю Богу: Аллилуиа.

 

Икос 4

 

Слышаша Вифлеемстии пастырие Ангелов поющих Христово Рождество, текоша в пещеру и обретоша тамо Богородительницу, на руках держащую Предвечнаго Младенца. С ними в веселии духовнем и мы Тебе, яко общей Матери нашей, глаголем тако: Радуйся, от солнца мысленного озаренная, и нас светом незаходимым просвещающая? Радуйся, сиянием пречистыя души Твоея всю землю просветившая. Радуйся, чистотою телесе Твоего

вся небеса возвеселившая? Радуйся, святых обителей Христовых покров и снабдение. Радуйся, верных пастырей Церкви бодрость и вразумление? Радуйся, богобоязненных иноков и инокинь Наставнице. Радуйся, невозмущаемое упокоение благоговейных старцев? Радуйся,тайное веселие чистых дев и вдовиц. 

Радуйся, Богородице, Ризою Твоею от злых наветов нас покрывающая.

 

Кондак 5

 

Боготечною звездою являешися, Царице Небесная, всем под кров Твой всемощный прибегающим и непрестанно в умилении сердечнем вопиющим Богу: Аллилуиа.

 

Икос 5

 

Видя праведный Симеон Тя, пришедшую с Младенцем Иисусом во храм представитися Госповеди,рече: «Тебе же Самой душу пройдет оружие». Проразумевая Матерния Твоя страдания о Сыне Твоем Божественнем, зовем Ти: Радуйся, Еяже руце поддержит за всех нас Единая Ея к нам любовь и милосердие? Радуйся, пред Неюже враги наша, видимыя и невидимыя, стояти не могут. Радуйся, огнь Божественный — Христа неопально на руку Своею держащая, и нас хладных тем воспламеняющая? Радуйся,воинствующих на плоть целомудрием изрядное венчание. Радуйся, подвизающихся в посте и безмолвии присное собеседование? Радуйся, изнемогающих от уныния и печали скорая Утешительнице. Радуйся,благодатию смирения и терпения снабдевающая? 

Радуйся, Богородице, Ризою Твоею от злых наветов нас покрывающая.

 

Кондак 6

 

Проповедницы Твоея Благодатныя помощи суть все множество Тобою спасенных: страждущих, болящих, от грехов избавленных и благодарственно о Тебе вопиющих: Аллилуиа.

 

Икос 6

 

Возсия Божественный Свет во Египте, и падоша тамо идоли, егда бежала еси, Пречистая, с Богомладенцем Иисусом, спасаяся от убийства Иродова, Ты убо озаряеши светом Боговедения умы всех, удаляющихся прелестей суетного мира. Темже превозносим Тя, словесы сими: Радуйся, Божию силу и Божию премудрость Христа плотию породившая? Радуйся, юродивую мудрость века сего посрамившая и ослепленных ею на

путь правый наставляющая. Радуйся, святыя веры охранение и православных догматов Наставнице? Радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает, сказующая? Радуйся, лживых провидцев и суетная гадания посрамляющая.Радуйся, в час недоумений мысль благу на сердце полагающая? Радуйся, от пагубных начинаний и несмысленных пожеланий воспящающая. 

Радуйся, Богородице,Ризою Твоею, от злых наветов нас покрывающая.

 

Кондак 7

 

Хотяще николиже отлучатися от Рожденнаго Тобою Спасителя мира, Ты, Богоблаженная, пребывала еси с Ним неотлучно во граде Назарете, детоводя и питая Его, яко человека и поя в сердце Своем, яко Богу: Аллилуиа.

 

Икос 7

 

Новую показуя матернюю любовь к Сыну Твоему,со скорбию искаша Его, двоюнадесятолетня Отроча,егда обрела еси Его во храме, в дому Отца Своего,

ведуще таковое Твое сердоболие — со умилением вопием Ти: Радуйся, нерукотворенный омофор, аки облак над всем миром распростершая? Радуйся, превеч–

наго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви православней являющая? Радуйся, столпе облачный, от искушений и соблазнов мира всех нас покрывающий. Радуйся, столпе огненный, среди мглы

греха всем нам путь спасения показующий? Радуйся, явных благочестия подвижников явное укрепление. Радуйся, тайных среди мира рабов Божиих тайное вразумление? Радуйся, и мене, обнаженного добрых дел, не оставляющая Своим Покровом и благодатию.

Радуйся, Богородице, Ризою Твоею от злых наветов нас покрывающая.

 

Кондак 8

 

Странное и предивное есть Твое, Богомати, попечение о христианех на всех путех их жизни многомятежней и многотрудней. Имея в Тебе столь милосердную и независтную Помощницу, вси облагодетельствованнии Тобою велегласно поют Богу: Аллилуиа.

 

Икос 8

 

Вся была еси со Христом при служении Его роду человеческому, како и Божественный евангелист Лука извествует о Тебе, глаголя: «Мати Твоя и братия Твоя вне стоят, видити Тя хотяще». Веруем, яко Ты, Всеблагая Мати, неотступно пребываеши и со всеми труждающимися во славу Божию и восхваляющими Тя тако: Радуйся, Ковчеже Завета, в нем же хранится освящение всего рода человеческого? Радуйся, Стамно Пресвятая, в ней же алчущим правды блюдется Хлеб жизни вечныя. Радуйся, Сосуде Всезлатый, в нем же

уготовася нас ради плоть и кровь Божественного Агнца? Радуйся, оставленных врачами на Своя всемощныя руце приемлющая. Радуйся, разслабленных телом, но не духом и верою, со одра болезни воздвигающая? Радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая? Радуй–

ся, жестокость нераскаянного сердца нашего умиляющая. 

Радуйся, Богородице, Ризою Твоею от злых наветов нас покрывающая.

 

Кондак 9

 

Всяк возраст верных изобилует Твоим попечением, Всемилостивая Мати, яко всегда потребное в житии даруеши и усердно за ны немощныя и грешныя, у престола Господа славы ходатайствуеши. Ему же поем: Аллилуиа.

 

Икос 9

 

Ветии многовещаннии не могут глаголати Твоея Матерния печали при Кресте Сына Твоего бывшая, темже, яко искушенней всячески, спострадати в самых тяжких скорбех и лишениях наших могущей, взываем Ти: Радуйся, от язвы и всегубительства смертнаго нас соблюдающая? Радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая? Радуйся, от запаления огненного росою молитв Твоих избавляющая. Радуйся, от глада душевнаго и телеснаго Хлебом жизни снабдевающая? Радуйся, удары молнии и грома от главы нашея отво–

дящая. Радуйся, от нашествия иноплеменник и тайных убийц спасающая? Радуйся, от домашния брани и вражды единокровных миром и любовию ограждающая.

 Радуйся, Богородице, Ризою Твоею от злых наветов нас покрывающая.

 

Кондак 10

 

Спасти хотя мир, иже всех Господь Сый, на Крестевися, дарова Тя миру всему Пресвятую и Премудрую Матерь, егда изрек Тебе: «Се сын Твой», и возлюбленному ученику: «Се Мати твоя». Благодаряще за сие Всеблагаго Бога, глаголем Ему: Аллилуиа.

 

Икос 10

 

Стена крепкая явилася еси по завету Господа, Преблагословенная, даруя всем благоденствие, мир, отраду, радость, яко и Сама сие первее получила от Воскресшаго Христа Спасителя, услышав от Него приветственный глас: «Радуйся». Сего ради и мы ублажаем Тя тако: Радуйся, чистых руками и сердцем земледельцев благословенными плодами венчающая?

Радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение? Радуйся, бедствующих в пути, на суше и водах внезапное вспоможение. Радуйся, безчадных родителей плодами веры и духа веселящая? Радуйся, безматерних сирот незримая воспитательнице. Радуйся, крепкая заступнице сущих в плену и изгнании? Радуйся, неусыпающая Попечительнице во узах и темнице седящих.

Радуйся, Богородице, Ризою Твоею от злых наветов нас покрывающая.

 

Кондак 11

 

Пение наше смиренное от полноты любве и усердия Тебе приносимое не презри, Богоневесто, и не отвратися от нас грешных и недостоиных, но помози нам очиститися от всякия скверны плоти и духа, да возможем достоино пети Богу: Аллилуиа.

 

Икос 11

 

Светом руководствующим была еси Апостолом, Богородительнице, по Вознесении Сына Твоего на небо, и до сего дне свет благодати изливаеши от иконы и Ризы Твоей честней всем притекающим к ней с желанием спастися и в разум истины приити. Не лиши и нас, о Всеблагая, Твоего святаго водительства в море житейском бед и скорбей обуреваемых, обаче от сердца приносящих Тебе благохваления таковая: Радуйся, всех даров духовных и телесных независтная Подательнице? Радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице? Радуйся, незримое укрощение владык жестоких и зверонравных. Радуйся, всежеланное совершение благих супружеств? Радуйся, матерей детородящих скорое и безболезненное разрешение. Радуйся, в час кончины Единая всем нам помощнице?

 Радуйся, Богородице, Ризою Твоею от злых наветов нас покрывающая.

 

Кондак 12

 

Благодать Божественную испроси нам у Сына Твоего и Бога, Всепетая Богородице, простри руку помощи, да не погибнем во гресех и лютых обстояниях находящих на ны от враг видимых и невидимых, умири наша сердца, злобою и враждою исполненныя, да утешеннии Тобою радостно воззовем Богу: Аллилуиа.

 

Икос 12

 

Поюще истинное Твое Успение, прославляем и милость Твою, Владычице, юже явила еси в Ризе Твоей честной, завещав ю по Успении некоей вдовице, Тебе при жизни служившей, и чрез ню явившей покров Твой святый и благодатныя исцеления всем людем притекающим к Тебе и Тя прославляющим: Радуйся, всей вселенней крепкое заступление? Радуйся, всех стихий земных и небесных освящение. Радуйся, всех времен года благословение? Радуйся, всех наветов и искушений от мира, плоти и диавола находящих попрание. Радуйся, нечаемое примирение ожесточенно враждующих? Радуйся, недоведомое исправление нераскаянных грешников. Радуйся, не отвергающая всеми призренных и отверженных?

Радуйся, самых отчаянных от рова погибели изхищающая. 

Радуйся, Богородице, Ризою Твоею от злых наветов нас покрывающая.

 

Кондак 13

 

О, Всепетая Владычица мира, приими сие малое благодарение от всего сердца Тебе приносимое, и не попусти николиже охладевати в благодарнем сем чувстве, но вразуми нас всегда помнити Твоя неисчетныя милости и со слезами умиления вопити о Тебе Богу: Аллилуиа.

 

(Сей кондак глаголем трижды. Также Икос 1-й,

Ангельский глас: и Кондак 1-й, Взбранной Воеводе )

 

Молитва

 

О, Преблагословенная Дево, Владычице Богородице, зрим ныне залог Твоих милостей к роду христианскому и светло празднуем днесь честныя Твоея Ризы положение, яко благоволила еси в сей Ризе открыть нам тайну благодатной помощи и заступления всем благоговейно к Тебе прибегающим и сердца свои пред иконою Твоею в молитве изливающим. Прими, Всеблагомощная Владычице Богородительнице, сия дары, Тебе Единой прикладныя от нас недостойных рабов Твоих, от всех родов избранная, всех тварей небесных и земных высшая явльшаяся. И ныне, Всепетая Пресвятая Богородице, не престай молящися о нас, еже избавитися нам от всякаго обстояния и навета злых человек Ризою Твоею, и сохранитися нам неврежденным от всякого ядовитаго прилога вра–

жия силою молитв Твоих, яко да Твоим заступлением и благодатной помощию честныя Ризы Твоея спасаеми славу, хвалу, благодарение и поклонение за вся, в Троице Единому Богу и всех Создателю возсылаем ныне и присно и во веки веков. Аминь.

Тропарь Положения честной ризы Пресвятой Богородицы, глас 8 

Богородице Приснодево, человеков покрове,/ ризу и пояс пречистаго Твоего телесе/ державное граду Твоему обложение даровала еси,/ безсеменным рождеством Твоим нетленна пребывающи,/ о Тебе бо и естество обновляется и время./ Темже молим Тя мир граду Твоему даровати// и душам нашим велию милость. 

Кондак Положения честной ризы Пресвятой Богородицы, глас 4 

Одеяние всем верным нетления, Богоблагодатная Чистая,/ даровала еси, священную ризу Твою,/ еюже священное тело Твое прикрывала еси,/ покрове всех человеков,/ еяже положение празднуем любовию/ и вопием со страхом Ти, Чистая:// радуйся, Дево, христиан похвало. 

Величание  

Величаем Тя,/ Пресвятая Дево,/ Богоизбранная Отроковице,/ и чтим святыя ризы Твоея// честное положение.  

 Часть камня св. Галгофы.

«И, неся крест Свой, Он вышел на место, называемое Лобное, по-еврейски Голгофа»
(Иоан.19:17)

 

6ф

Часовня Адама в храме "Воскресения" в Иерусалиме и расщелина в скале Голгофы

 

«Иисус же, опять возопив громким голосом, испустил дух.
И вот, завеса в храме раздралась надвое, сверху донизу; и земля потряслась; и камни расселись;Сотник же и те, которые с ним стерегли Иисуса, видя землетрясение и все бывшее, устрашились весьма и говорили: воистину Он был Сын Божий».
(Матф.27:50-51,54)

 

7ф

Расщелину, образовавшуюся при землетрясении, можно наблюдать через стеклянное окно в глубине часовни, где стоит престол во имя праведного Мелхиседека. Часть скалы открыта также в круговой галерее храма, у северу от часовни Адама.

Следующие службы

Просьба на период ограничений, связанных с COVID-19, иметь при себе маски и соблюдать дистанцию в храме.

Подробное расписание...

Окажите нам поддержку

Мы будем благодарны, принять от Вас любую помощь. Все собранные пожертвования пойдут на содержание общины и  создания православно-культурного центра в Баден-Бадене.

Банковский счет для Ваших пожертвований*:

Deutsche Bank Konto für Ihre Spenden*:

Deutsche Bank 
Konto: 039188800
BLZ: 66270024

IBAN: DE02662700240039188800

Для переводов из-за рубежа указывайте:
IBAN: DE02662700240039188800 
SWIFT CODE: DEUT DEDB662

*Квитанция о пожертвовании для налоговой инспекции по запросу

*Spendenquittung für Finanzamt auf Anfrage

 

               

Православный календарь

 

 

 

 

 

 

 

Поучения оптинских старцев

Луч­ше быть уче­ни­ком уче­ни­ка, не­же­ли жить по сво­ей во­ле. Об этом и в оте­чес­ких пи­са­ни­ях ска­за­но. Пос­лу­шать­ся со­ве­та сво­е­го от­ца ду­хов­но­го не стыд­но, но ду­шес­па­си­тель­но и не­об­хо­ди­мо; и кто не слу­ша­ет доб­ро­го со­ве­та, тот бы­ва­ет на­ка­зан.

(преп. Амвросий)


Если будешь принимать людей Бога ради, то, поверь, все будут к тебе хороши

(преп. Амвросий)


Долг же наш единственный... любить друг друга, и в сем точно находимся неоплатными должниками. Ибо исполнивый любовь исполни весь закон.

(преп. Ма­карий)

 

Чувство любви ко Господу приходит по мере исполне­ния заповедей Его.

(преп. Никон)

 

Цель брака есть чадородие.

(преп. Антоний)


Брачная жизнь — Богом благословенная жизнь, и иноческая жизнь — святая и ангельская жизнь, и та и другая богоугодная жизнь.

(преп. Антоний)


Открыть все поучения...

Православная мудрость

Молитва к Богу всякая доходна. А какая именно – об этом мы не знаем. Он Один Судия праведный, а мы можем ложь признать за истину. Молись и веруй.

(преп. Анатолий Оптинский)

 

Удалиться от мира не то значит, что бежать от семейства, или от общества, а оставить нравы, обычаи, правила, привычки, требования, совершенно противоположные духу Христову, принятому и зреющему в нас.

(Иоанн Златоуст)

 

Ничто столько не прогневляет Бога, ничто так не обнажает человека от благодати и не приводит к погибели, как укорение, злословие и осуждение ближних.

(Преодобные Варсонофий Великий

и Иоанн Пророк)

 

От грехопадений моих бегу не в затвор, и не в пустыню, а в самоукорение и исповедание грехов моих.

(Святитель Игнатий Брянчанинов)