Молитва преподобной Марфе Дивеевской

День памяти: 3 сентября

/pages/1966084

/pages/25526289?atlOrigin=eyJpIjoiZDU5MjEwZDZhM2RkNGZhZDlhZmMyNzgzY2I1ZTA0MGMiLCJwIjoiYyJ9

/pages/10060012?atlOrigin=eyJpIjoiMDZlMGZiMmQ5NTBhNGRiMWI1M2U0YzRkM2MwNjA1ZDEiLCJwIjoiYyJ9

/pages/25591825?atlOrigin=eyJpIjoiOWNhNDc0MjdkZWYwNDE5ZmE2ZmE2NjY3MWRiNDNiOWYiLCJwIjoiYyJ9

О преподобная и богоносная мати Марфо, дивеевская радосте и похвало, отрасль дивная семейства праведнаго и плод святый рода благочестиваго, измлада со сродники твоими к преподобному Серафиму Саровскому притекавшая, за послушание ему по благодати Божественней всесовершенно уцеломудрившаяся, сотайнницею его ставшая и великий ангельский образ от руки его приявшая, в летех малых исполнила еси вся благопотребная и в царствие небесное душею твоею девственною взошла еси, старцу святому твоему уневещенная. Молися за ны, недостойныя и злонравныя, чтущыя с любовию память твою, да очистит Господь ны от всякия скверны душевныя и телесныя, заступит, спасет, помилует и сохранит ны своею благодатию. Аминь.

Тропарь прп. Марфе Дивеевской, глас 2:

Равноангельное житие стяжавшая "дивная отроковице" и собеседнице Преподобнаго Серафима, Госпоже и мати наша Марфо, ныне в нетленных мощах почиваеши и у Престола Божия предстоиши, моли о нас Милостиваго Бога Небеснаго, Дивеева начальнице

Кондак прп. Марфе Дивеевской, глас 8:

Небесною Кротостию, молчанием и неземною радостию исполнилася еси, юная и невиданная доселе в Дивееве отроковице, преподобная мати наша Марфо, в великую схиму от преподобнаго Серафима облеченная, тем же водворилася еси с мудрыми девами в небесном чертозе и со Ангелы Всецарю непрестанно предстоиши.