Тропари святителю Николаю, архиепископу Мирликийскому, чудотворцу. Величание

Дни памяти: 22(9) мая (Перенесение мощей), 11 августа (29 июля), 19(6) декабря

Тропарь, глас 4

Правило веры и образ кротости, воздержания учителя яви тя стаду твоему, яже вещей Истина: сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашим.

Кондак, глас 3

В Мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих и спасл еси неповинныя от смерти: сего ради освятился еси, яко великий таинник Божия благодати.

Тропарь на рождество святителя Николая, глас 4

Чудное и славное рождество твое, святителю Николае, Церковь днесь православных светло празднует, ибо стоянием ногу твоею яви тя Господь и провозвести быти светильника и учителя миряном, весь мир обогащающа и просвещающа чудесы. Тем вопием ти: моли Христа Бога спастися душам нашим.

Кондак на рождество святителя Николая, глас 2

В Мирех рождься, святе Николае, от благородна корене, яко благоплодна ветвь, прозябл еси, исполнь бо быв Божественных даров, яко солнце зарями, весь мир чудесы просветил еси. Сего ради прославляем тя, яко ученика и таинника Божия благодати.

Величание

Величаем тя, святителю отче Николае, и чтим святую память твою, ты бо молиши за нас Христа Бога нашего.

Николай Чудотворец, епископ Мирликийский ( IV век.).
Житие Николая Чудотворца, епископа Мирликийского
Акафист святителю Николаю, архиепископу Мирликийскому, чудотворцу
Молитвы святителю Николаю, архиепископу Мирликийскому, чудотворцу